LONTAR USADA BUDUH

USADA BUDUH

[1b] Iki kaweruhaknà salwiring larà edan.

Ta , salwiring larà edan, sa, toya añar, sêkar jêpun, bras galih 11 batu, peresama lebokaknà ring sibuh, wus pinuja maktis masugi mainem pada, ping 3, karinya raris turuang ring wang agering, tingkahe mangeregep mantra deleng ikang toyà, patitisaken sang Hyang Tigà, tunggalang ikang rwà bineda, ring tutunging geranantà, de nà pageh jugà, yan katon galang sekadi awun-awun, nga, rurusàkna den pasti, arisang bayune, nga saikà tingkahnyà, ma, Ih Bhabhu Kamulan, ingsun añaluk têtamban lara edan, bhabhune syànu salah eton, angelipùr ring ati muwaras, 3. Sidi mandi sapanku maring syanu [2a] muwaras.

Ta, edan matembang mwang anambat dewà, sa, kunyit warangan, katumbah, uyah areng, mangge loloh, mwang tutwang ring netera mwah ring irung. Wus mangkanà, malih pakinemin, yeh kalungah nyuhnya mulung.

Ta, edan manangis raina wngi, tur pati sàmbat-sambatin, sa, bungsil ñuhña mulung, mwang akahnya ne nguda, jit bawang dadwà, adas dadwà iñjin, taapàknà.

Ta, edan krêng idêh-idêh, ikà, nga, edan kabintêhà, sa, kelor munggi sakàmulan ksawi sakàmulàn, jêbugàrum, tri katukà, weh cukà, iki mantran tamba mwang odak, ma, ong astu-astu ya nama swahà, [2b] ala-ala, ili-ili swahà, sàrwa bhuta wistayà, sarwa gudna wini swahà, ah astu, 3.

Ta, edan kreng agaguyonan mwang kedek, sa, payà gamongan, katumbah, tri katukà, weh cukà, taapàknà. Malih wdaknya kabeh, sa, kelor munggi, intaran, prasamà carmanya, liliguddhi 9 muñcuk, ra, umbin gadung, tri katukà, weh cukà, ma, ong edhan-edhan anamà swahà, waras.

Ta, edan kreng malali tai, sa, sulasih sakamulan, myana, cmêng, mwang buyung-buyung, prasàma donyà, wusnyà maulig bêjekin sidêm mwang sêmute nungging, tutuhaknà ring soca têkaning kardanya.

Ta, edan yan ia yadyan makatà nadyan kreng tdun, sa, kelor munggi, ksawi, bawang adas, tri [3a] katukà, taapàkna, mwang tutuang ring irung têkaning netrà, ma ma, ong hyang astu ala-alà, ili-ili, sàrwwa brang grang wini swahà, waras.

Ta, edan kreng ayan, sa, paci-paci rauhing sakarnya, ngalap aywa ngalawati, daging tingkih, jebugàrum, jangu, musi, krawês, taapàknà, ampasnya anggen wdak, ma, ong sang Dpada angumbang ring sàkti, lwaraknà banyu wus wasane syanu, munduranà kità denàglis, mundur kità wetan , kidul kulon loring tngah, mêtu ngambah ka bagà purus.

Ta, edan pati kacuh mwang pati jelamut, ikà nga, edan kabintêhà, sa, mica putih maulig, miyeh jruk, ra, bêjêkin sidêm, hningnyane tutuang ring socà, ring kardna, ring irung, saikà wusnyà pinuja, malih

[3b] tutuh irungnyà, sa, bawang putih, 2, micà putih , 2 wehnya asaban cêddadà, toya ning jrok, pada kwehnya, hningnya ika tutuhaknà ring irungnyà.

Ta, edan yanya krêng pules, tur tan enak amangan anginum, sa, sdah tmu rose 7 bidang, rinajah klar, mica, 7, bsik, uyah, taapakdà, ampasnya anggen sêmbar angganyà makàwukud.

Ta, edan yannyà pati dulame, nadyan ia krêng manangis tani karwan-karwan, raina wngi, sa, ñuhñya mulung, tingkih jêntung, tingkih bnêh pada mabsik, bawang, bawang musi, katumbah, tutuhaknà ring irung, ring netra, mwang ring kàrdna , ampasnya anggen wdak angganyà sami.

Ta, edan yanya galak ring sesamania kinambehan, sa, kapkap tmu rose, marajah kaye iki: [4a] katumbah, musi, pada, 3 besik, isen, 3, iris, tutuhaknà ring irung , mwang ring kàrdna, ampasnyà anggen wdak angganyà sami.

Ta, edan yanyà krêng ngigêl sambil matêmbang, sa, sêmbung bangke sêmbung gantung, liligundi, intaran, presama sakàmulan, tri katukà, weh cukà, hningnyà tutuhakna ring kàrdna mwang irung, ampasnya anggen pupur mwang wdak, ma, ong arah-àrah grêhà, ah teka sidhi swahà.

Ta, edan matêmbang-têmbang raina wngi, sa, kejanti, cekuh, gamongan, bangle, jae, mica, tri katukà, bawang, isin rong, weh cukà, sidem, tutuhaknà ring kardna, ring irung, ampasnya anggen wdak.

Ta, edan, yan ya ngamil-mil, sa, lengàwangi, sulasih [4b] mrik, musi, krawis, puhaknà ring irung mwang ring kardna, ampasnya anggen wdak, ma, ong arah-àrah, wayamadisa, wagradna, wiswahà.

Ta, edan, yanyà bsêh basangnya, sa, liligundi, antawali, musi, jêbugàrum, weh cukà, madadah, taapàkna, ma, ong arah-àrah, yà atutur-tutur, namah swahà.

Ta, edan tur mangbus, sa, siligwi lanang wadon, tampak liman, gelagah, lalang, kesimbukan, ikà prasamà ngudan akahnya mangge, carmmàning akah kendal, pulasai, gintên cmêng, bawang adas, spêt-spêt, lulub lublub dap tis, lublub kendal, baligo arum, tombong atbih, bras bang, pinipis, tum apang lepah, wusnya ratêng dagingin we tbu cmêng, matambus hningñàne, tutuhakna [5a] ring kàrdna, ring netra, ring irung, mwah pakinemin, ampasnyà anggen wdak ring anggà makasami, mwah sembar sisin gidatnyà, satkàning sisin rambutnya mkà ilêh, sa, rwaning sandat ne kuning-kuning, katumbah, sari lungid, menyan madu, krikàn caddanà, ra, sintok, gamongan, bangkête anggen tutuh. Malih makà uwapnya wnang sarwwà ne êtis, wdak sukune sarwwa angêt, wnang anggen mantrain kàdi ring arep.

Ta, edan swe, pangelaranya kaget ya ngêntah kaget ya waras, sa, isen 2 iris pdasare, rwaning wuku-wuku cmêng, musi, ampasnya kum ring cukà, mangkin dadahin benjangnyà wau inumàkna mwah tutukàkna ring kàrdna ring socà, ring irung, ampase anggen wdak.

Ta, edan yanya krêng mangigêl [5b] sa, dausà kling sakàmulan, gulà jakà, tutuhakna mwang inumàkna, ma, ong paraatmà atmà-pariatmàsàrwwa gåêhà wina sidi swahà, waras, 3.

Ta, edan, yan ya patikacuh, sa, salwiring wong ne tumbuh di bêten batune, bangsing kroyà, tri katukà, bangle, 7 iris, musi, weh cukà, jatunyà, bangkêtnya raris dadahin, wus mangkanà hningñane tutuhang ring kàrdna, ring irung, ring netra, ampasnya anggen wdak ring anggà sami, ma, ong larà muksah tutur remut, 3, andhuhkità manongosin, jadmà manusà malwaran kità, tan pamêngan, mulih kita saking panangkan kita rawuh, ong bayu tka lara lungà, waras.

Ta, edan yanya majarang takut, sa, wding kakarà bang, kakarà putih nghing ne suba tawunan [6a] ngamet aywà nglawatin, bawang adas, prêsin juwuk hningñane raris tutuhaknà ring kardna, ring irung, mwah pakinmin, ampasnyà anggen wdaking angganyà sami.

Ta, salwiring edan, sa, bangkêt gamongan, tain kbo cmêng, mawadah da dasar, dadasar ikà rajahaknà mapinda kbo, ma, ong ra nini padukà bhatàrì Durgga, ingsun añaluk tatamban larà edan swe nu, apan àku mawarah, siddi sapùjanku mandi waras. Malih makà tutuhnyà ring socà mwang ana ring irung, sa, gamongan rajah kayeki “Ong Mang Ddang”, bangkêtnyà dagingin bêbêk micà, masaring, malih, sa, cekuh marajah kayeki: “Mang Ong Wa” bangkêtnya tutuhaknà. Malih, sa, bangle, marajah kayeki: Mang Ung Eng” bangketnyà tutuhaknà.

Ta, salwiring edan, sa, myanà cmêng sakà [6b] mulan uyah arêng, inumakna mwang tutuhaknà ring soca, ring irung, ampasnyà anggen pupur ring mukanya. Ma, ong kaki cmêng, angundurang larà edane , syanu, angimùt-imùt ring jroning ngatine syanu, aku angruwek maring jro wtênge syanu, sing tka pupug punah, sing lunghà, sing tka, pada pupug punah, 3, kedep siddi mandi mantranku, tlas, malih yan tan lwar raranya, sa, bangkêt isen, adas, uyah arêng, taapàkna, ampasnya sembaraknà ring angganyà sami.

Ta, edan salwiring edan, sa, gamongan we jruk, tri katukà, uyah arêng, taapaknà, ma, ong sang bhagà purus wisesà, singà nglaranin bhagà puruse syanu, sirà apurusit, maring syanu, aku wruh ring kamulantà nguni matantà tngên sanghyang Raditya, matantà kiwà sanghyang Ràtih, kàdi pêpadangane sanghyang Raditia, sanghyang Ràtih, kadi pepadangane sanghyang Raditia, sanghyang Ràtih, samangkanà pe [7a] padangane, matane syanu, byar, 3, biar cali ring hning.

Ta, salwiring edan, sa, manuri, undur-undur, sami dinñane kuning-kuning, gamongan, lunak tanêk, isin rong, ìnggu weh jruk, 1, lan uyah, dadah, taapàkna, mwah tutuhakna ring irung, ring kàrdna, ma, pukulun aranirà bhatàra Guru maha saktì, aku angunduraken bhatàra gannà, bantà wngi, bantà wgah, bantà papêt, aja siràengko anggel ring jro ragane syanu, mundur lunghà ko mangke pugpu-gsêng mpug sagudna pangaruhmu kabeh, sing tka gudna pugpug punah, 3, siddi mandi mantranku.

Ta, salwiring edan, sa, isin bwah rêrêk, bawang tunggal, weh cukà tutuhaknà ring irung, ring socà, ampasnyà anggen pupur ring mukanya, ma, ung arah-arah, nglimur ring àtimu waras. [7b]

Ta, saluiring edan, sa, gamongan marajah sakadi iki , malih cekuh iris tur rajah Malih, sa, bangle iris, tur rajah Malih sa, kapkap tmu rose abidang rajah: wus rinajah sami campuhang kang sawiji, mawor mica, 5 batu, muñcuk bwah tabyà bun, 3, musi, 3 , bsik, weh cukà, bangketnya, mwah tutuhakna ring netra, ring kardna, ring irung, ampasnya aworin tri katukà, ikà anggen wdak ring angganya sami, ma, ong, hyang mahyang, 3, ong manglimur ring ati, muwaras, 3, bañu mapupul, bhudeng mapupul, klingsih mapupulbuyanàti mapupul dohah mapupul, bàyu mapupul, ong sanghyang ayu ulihaknà bayu sabddà idêppe syanu, maho uswasà, mulih [8a] bayu pramanane syanu maring kadham swahà, waras, 3.

Ta, salwiring edan, sa, rwaning katimahan, sakàmulan kacemcem putih, padhang kasisat, mica, 7, batu, ring sidem ajumput, weh cukà, inum mwah tutuhakna ring kardna, ring netra, ring irung, ampasnya anggen wdak angganyà sami, mantranyà, ong hyang pila-pilu, 3 ih tka bantà mulanta, sang kamà putih saking bapanmu, sang kamà bhang saking ibuntà, tutur si kità, aja lali ring syanu, mangke mamulyang maring ragà waluyantà manih, akweh kang amidenàna, wastu kità tan mandi, tan waras sakweh ki tà midenin, sabda idhepku ne siddhi mandi, waras, 3, ya, namah swahà.

Ta, salwiring edan, sa rwaning myanà cmêng, 11 bidang, marajah rambut suddhamala, campuranyà, [8b] musi 11 bsik, inggu, unteng bawang, adas, weh cukà, bangketnya inumàkna, mwang tutuhaknà ring irung, ring netra, ampasnyà anggen wdak ring angganya sami, ma, ong sang rambut suddhàmala, dhakonkon ayo langganà, lah sirà anambanin wong katpuk têgêh, kaparag maring bhutà kabeh, wastu syanu pùrdna punah, lênglêng bungêng edane syànu salah ton, lah waras, 3. Iko marànane, lah waras, 3, kedep mandhi mantranku.

Ta, salwiring edan, sa, wonge nene daddi pangan marajah tunggang mnêng, rwaning bangle, rajah kadi iki: “Ong Ang Ung Yang, Ongkaramadu Ah nggah heh..nggang (ardacandra2x)” malih rwaning gamongan, marajah kadi iki: “Mang Ang Ongkaramadu Ongkarangadeg Ongkara” sa ba ta a i , malih mawor bawang adas, weh jruk, puhakna ring irung, ring kàrdna, mwang inumaknà. [9a] (Iki rajah rambut suddhàmala). . . ampasnya anggen wdak makà sami, ma, ong, ra ninì padhukà bhatàri Dùrgga, ingsun añaluk tatamban larà, adane syànu, sama ta kang larà iku mùrdnanu pukulun, a, sirà walang àti apan ingsun mawarah siddhi saujar ingsun wastu syanu tka waras, 3. Malih yan larà edan krêng mamisuh-misuh, balyan, ika, nga, babainan, ta, sa, don pungut ne ngapit marggà, padha 3, bidang, don tabya bun dakep, 3 bidang, micà gundil, 3 bsik, sêmbaraknà larànya, wusnya raris pcik, wau ngenah peñàkitñà, cokot ampigang, iki sesapanya, ma, ih madra macah, sirà anikêp laràne I yono [9b] dhen cokot krêtkekeng, 3.

Ta, salwiring larà mawignà yapwan edan, bantà, mwang tiwang, lalêngdan, btêg, mwang ngarêrês, bangsel abuh, busung, ikà sami wnang karwat, sa, salwire marajah ongkarà. Bangle marajah: “Ang Ah”, cekuh marajah “Ong Mang” Gamongan marajah “Ongkaramadu Mang Drang” , isen marajah: Ah Ngah Kunit marajah: “Ongkaramadu” Temu tis marajah “Ngah Uh”, Nganga Bawang marajah: “Ang” Kapkap marajah , ikà samì pada mairis, jruk linglang, 1, rajah kadi yeki: “Ung Uh”, malih payà puh sakàmulan , donya merajah “Kang Kah”, Malih campurin majà kane majà kling, kêtan gajih, sari kuning, daging baligo arum, pinipis, weh asabañ candanà, pet bangkêtnya hningnya, tutuhakna ring irung. Pitêgês tambà ikà [10a] yen larà edan, wnang tutuhaknà dening tambà ikà, ana ring netra,ring kardna , ring irung, mwang pakinumin. 

USABA BUDUH

Yen sajawining larà edan, kawênanganya, wdàkna mwang pakinemin, iki panrusanya, ma, ang, mang, ong ung ninì siwàgotra, kaki siwàgotra, ingsun màwak hyang Dharmma wisesa, unggwanta ring pucuking wurung-wurung gadhing, ingsun mangreh sasanaktà manùsà kabeh, I yantà, preta, kalà, dêngên, aku wruh ring kadadentà kabeh, pawtun kità saking gwà garbhan ibunta, aranya, antà ari-ari, nga, preta, nga, nanah, kàla, nga, gtih, dêngên, nga, yeh nyom, ikà sasanak manusà kabeh, akuwruhà, ikà marggane, agring kang manusyane syanu, ih angringin manusane syanu, marggane mangringin ikà, apan umijil saking pitra pùjà sasana, mangke ingsun angunduràngkên gring awak sarirantà [10b] yen àna pitra pùja sasana manggawe gring awak sarirantà, ingsun angundurakên pitra pùja sasana, mundur mulih kità kabeh, yanta sah ring àwak sarirantà, mulih kità ring Batukawu, pretà sah, ring àwak sarirantà mulih kità ring pasaren, kàla sah ring àwak sariranta, mulih kità ring catu, dêngên sah ring àwak sariranta, mulih kità ring cungkub kahyangan dalêm, mangke ingsun angluwarang gringe ring àwak sariranta, buwung ikang gring kabeh, kesah ikang gring apadhang, mantuk kità ring sang hyang tigà, bhasmì wisesa, ana desa sajroning pukuhingh lidah, ajlijih mirah, abyase pàdi, anàtar emàs sinangling tan payunà, ring ganà gulgul, nidra amarggana, byah er, ingsun angundurakên pitra pùja sasana ikà, mundur kità apan àku wruh ring pasurupantà kabeh [11a] anta sah ring àwak sariarantà, mulih kità ring atukawu, pretà sah ring àwak sarirantà, mulih kità ring pasaren, kàla sah ring àwak sarirantà, mulih kità ring catu, dêngên sah ring àwak sarirantà, mulih kità ring cungkub kahyangan dalêm, mangke ingsun angundurang gring awak sarirantà, poma kità mundur, 3 buwung ikang gring kabeh, buwung, 3, kesah ring sakeng padha, mantuk padha gring kasunyà mareta kabeh, poma, 3, apan sirà angundurang gring ngawak sarirantà kabeh, yekà ana pitra pùja sasana, mangawe gring awak sarirantà, ingsun angundurakên pitra pùja sasana ikà, mulih maring unggwantà manih, antà sah maring sarirantà manih, mulih kità ring Batukawu, pretà sah maring sarirantà manih, mulih kità ring pasaren, kàla sah maring sarirantà malih, mulih [11b] kità ring catu dêngên, sah maring sarirantà manih, mulih maring cungkub kahyangan dalêm, sirà mangke manglwarang gring awak sarirantà, buwung ikang gring kabeh, ne rumangsuk ring awak sarirantà syanu, kabeh pada punah padha buwung, têka buwung, 3, edan buwung, bdhasà buwung, bsêh buwung, mokan buwung, tugu buwung, gtih buwung, nanah buwung, bañêh buwung, busung buwung, rasà buwung, rumpuh buwung, kabeh padha buwung, salwiring larà ring awak sariràne syane, pada buwung, 3, ong sabdha ngayu mandhi, angunndurana sakwehing larà roghane syanu, wus katiben larà dening pitra puja sasana ika, wastu campuh punah, ilang malaradan, pada sumusup, maring kahyangan nira sowang-sowang, ong sa ba ta a i na ma si wa ya, ong gring catur dipatya namah siwaya, telas.

Ta, edan, sa, [12a] nya, ngalêkas raris upin pabaan wàng agring, ma, ang ring pucuking rambut, ang ring siwàdwara, tlas. Malih yeki lekas akna ring wàng edan, tur upin pabaanne, ma, ang, ang, ring, socà kiwà tngên.

Iki caru larà edan, yanya ngumik anambat dewà, tur ya makurah-karihan, wnang gawenàna caru, tumpeng adhanan, iwak sawung irêng pinanggang, biyu-biyuan asoroh, kadi bya kàwon dwegan ñuh gadang, misi padang lêpas, ambêngan galagah, matali lawe tri datu, ma, ang kàla-kàli, lwar ta engko kabeh, desti prakasa, yaksa-yaksi, barong brare banaspati, mundur rakità ring sabanta paran kità, ajà kità ring kene, ring ragà walunane I yunu, apan àku sanghyang Tunggal, wnang aku sinêmbah [12b] De ràt bhuwanà kabeh, yen anà wang angleyak aneluhanràñjànà, sakwehing satru musuhku, lebur ilang sakwehing larà rogàne syanu, jati brês, jati hning, 3, ong pamali barong brare babahin bhutà kàla dngên, sing kotampêl dadinmu tan patêndas, krêpak grumung, 3, ong nini calonàrang, ajà kità wanilangganà ring awak sariràne, apan mawak sirà Mpu Pradah, wnang angulyang gudnane manglaranin iyanu, sapàgudnanmu, gudnan I jaran guyang, I gudna Suddha, I gudna Jawà, gudna Bali I gudna Jagatra, I gudna Mêsi, I gudna slêm, I gudna Cangkêput, lah si bañcut gudnanmu, satus akutus ani gudna kabañcut, lah poma 3.

Yen ta gring swe tan tinambanan [13a] wnang pamahayunên ring tngahing setra agung, irikà ta têbusan, dening bras acatu, klapà 2, bungkul, pisang 2 ijas, taluh 2 bungkul, lawe 2 tukel, artà 8880, sgà sapangkon, daging jajron bawi, sgà agung, canang 2 tanding, pras peñnêng, ma, kaki bhatàra Kàla, ulun amintà tambà, waras awàke syanu, ulian pagawene sang mêñakitin, yan larà saking dewà, mulih maring dewà, yan larà saking desti, mulih maring desti, yan larà saking buta kala dengên, mulih maring buta kala dengen, yan larà saking bhutà kàla dngên, mulih maring bhutà kàla dngên, yan larà saking pitarà, mulih maring pitarà, iki panêbusaning wong agring, wehan kadirgga yusà waras, ong sriyawe, nama swahà. Malih aturane ring dalêm, lwirnya [13b] rayunan putih kuning, kelanan dampulan, canang pangrawes, sghean 11, tanding.

Sumber: Sastra Unud - Cakepane.blogspot