Lontar Usada Kacacar

Lontar Usada Kacacar 1b - 10b

[1b] Om awighnamàstu nama sidhàm.

Iti caru kêmpakan, sa, pañjangilang, 1, mwang taluh 11 bêsik, daksina 1, gênêp sakadi pralagi, màrtha sakotamaning wong sudra, 1700, ma, bhùktyantu bhùta kàlarà, bhùnktyantu pisaca wicitràm, bhùktyantu sarwwa bhùta karimpus, iti tadah sajinira pañjangilang, ajak rowangira kabeh, wusira amukti caru, mantuk sirà ring kayanganira swang-swang, om dùrggà ya nama swahà.

Nihan tingkahing balyan matulung kacacar, yenya nuju rahat katngêr pacang pjah, den age tbasin olih artha, 118, artha ikà mawadah tamas, masamsam rwan [2a] têmên, rwan dapdap, mwang bras mañcawarnna, yan dinibakang tingkaha sangkrurà, midêr kiwa, ping 3, ma, dhuh sira bhatàra kàla, dhuh nini bhagawan gayatri, haywa wineh wadwanira, angrusuhin tatêpêtan ingsun, apan ingsun madana-dana artha, ring sarwwa bhutà bhùmi, mwang ingsun tan lampêtan ring margga agung, den sang bhutà lampêtan jalan, tanana nggringin, Om sarwwa bhùtà ya nama swahà.

Iti caru wwang kna gring kacacar, yanya rahat katngêr pacing pjah, sa, tumpêng brumbun abungkul, maalêd andong bang, matatakan sangkwi maikuh, maiwak ayam brumbun, mapurak uli di tundun, katut jajronya sami, kewala mapurak, nging matah, mwang anaman siddha sàmpurnnà, maiwak taluh bakasêm, 1, [2b] mwang kawangen, 11, ne tatigà madaging pipis jêpun padha maketeng, ne akutus madaging jinah sabênêhà, wênang, mwang canang gantal, canang, roko, mwang canang buratwangi lêngawangi, mwang panyênêng, tulung, pras, mwang daksina 1, den agênêp, caru ikà majinah lêbak, katipate majinah 33, canange majinah 11, swang-swang 3 tanding, daksinane majinah 225, aturakna ring panghuluning setra agung, iku nunas panugrahan urip, wus puput kàtur caru ikà, ayabin wwang agring, daksina ikà, gnahang luhuring aturu, wus angayab caru, kutang ring pêmpatan agung, têlas. Muwah yan hana wwang àgring kacacar, yanora bangêt kbus awaknya, bayunya saget dumilah, saget aris, awak [3a] asrêp atugêl, panês atugêl, mtu dewanya langah, yanya nyapnyap pati dulame, pati sambat-sambatin, kapañca bhùtà gringnya wwang mangkana, tùr kadùrggadewi, atmanya gsah kasambut dening bhùtà kala dngên, de age ambeaknà gringnya den aglis, salaran bebek putih, ayam putih, mwang tgên-tgênan den agnêp, mwang daksina den agnêp 1, màrtha 1708, gnêp, wus mangkana yanya twara pati dulame, urip yà wwang ika, yanya kari pati dulame, pjah jugà ya wwang ikà. Mwah yan hana wwang kacacar, mangling makuyang-kayingan, twara karwan sakitnya, puwuh linggà, puwuh api, puwuh taruna, puwuh sirah, [3b] ika yà manglaranin, ri kalanya nangis bayunya osah ibuk, wehana caru, sa, tumpêng putih kuning, ayam putih siyungan pinanggang, bantênaknà ring sanggar kamulan, nanghing ring sor, maka tambanya, sa, mnyan madhu, candana. Mantràkna antuk pùjà srawa, tamba ikà tahapaknà. Nihan caru kacacar, maka tatulak, sa, sgà 3 kêpêl, pupukin bungan awan, maangkêb don kayu tulak, matatakan ilih, gnahang ring tbenan wwang agring aturu, ma, Om tulak-tulik, labor awu, tan dadi wong, sing ala paksanirà kirà-kirà wong kacacar, singlah-singlar, mingmang 3.

Iti pracaru kacacar, yan ala kajarnya, ca, sgà sakêpêl, maalêd don dapdap 3 bidang, [4a] matatakan klakat suddhamalà, pjang ring têbenan wwang agêring aturu, ma, tukup mata kala, cêkuk cangkêm kalà, aku angering agumi pritiwi, luwate aku tguh tta rêp, 3, lamun dadi puwuh sanggawuk, puwuh ganti, mtu dadi punah, tkà singlar, tka punah, hilang, 3. Muwah caru kacacar, sgà sakêpêl, mwang skar sarwwa arum, maiwak bawang jahe, uyah arêng, ma, Om Ang Ung Mang Om ring idêp. Caru ikà ring sanding wwang agring.

Nihan panyahak puwuh ala, sakalwiring dakang rusak, ma, Om gtih mati banyêh mapupul, tka sahak, 3. Malih ma, Om syapa syanu, yah tka upas, tkà tawar, tka punah, 3. Malih sa, pane anyar, misi toya [4b] akah padang balulang, umbin kayutawa, bungan sempol, bungkil biyu gdang sabha, bayêm lalahan, rwan pangut, jangu, clagi, sami kum ring toya, ikà, ma, Om sang bhùtà kacacar, aja sira amangan ring daging kulite syanu, hana sing pêpanganirà, lêmah putih, andadi sira tahi, êntut, uyuh, aja sira amtu ring jro wtênge syanu, tkà sahak, punah, 3. tlas.

Tingkahing akàryya saji den agnêp, mwang canang marakà wowohan, saji ikà, mabras acatu, artha 700.

Ta, dakang rusak, yan ring mukà, sa, jbugàrum, mahasab olesàkênà. Yan ring awak, sa, isen kapur, banyun bras, lepàknà. Yan ring suku, sa, [5a] tabya bun bungkut, 3, bulih, kapkap tmurose, ckuh, mica, pipis, den alêmbat, olesaknà, ta, puwuh rusak, suba nyakar, sa, tabya bun 21 bulih, mica 21 bêsik, kapkap 21 bidang, isen 3 iris, gamongan 3 iris, trikatukà saguli pañjangnya, sêpêt-sêpêt, pipis, olesaknà, dening bulun syap putih, ma, Om sang bhùtà kala, anungku rat, wadwanira sang bhagawati, andadi kita puwuh kabeh, saking kling, saking Bali, aja sangêt amangan ring daging, sarirane syanu, apan àku lakinirà bhatàra guru sakti, Om nama swahà. Tlas.

Tingkahing akaryya sasantun gnêp, màrtha 777, ta, panrag puwuh ala, [5b] sa, carmman poh amplêm, isen kapur, pinarud, wenya pet padha sinangà, sambaràkna gnahing alà, ta, sakalwiring puwuh rusak, mwang anggen pamalik, sa, toya, woding pêpere ambulungan, wding paku puwuh, gtih celeng, aji keteng, ajà mlaku imbuh, santên klapà ijo, tahap, ma, srewah-srowih, nyanyah monyah, lwir têtalu tawar, 3.

Ta, puwuh rusak, maka pangalahnya, magawe apang bcik, iki kawasa anggen pamahayu, sa, bungkil gdhang sabhà, tmutis, cakcak, prêsàring, loking toya anyar, anggen maka dyusing wwang agring. Malih mainùmnya, sa, slagwi, pakis ijo, kêndal, batukà, paku aji, tampak liman, dalimo, bayêm lalahan, paya puwuh, sami akahnya, [6a] bungkil biyu gdhang sabhà, bahêm warak, trikatukà, tahapaknà, anggen sasuwuk puwuh rusak wnang.

Ta, puwuh rusak, puwuh wêsi, puwuh sukun, puwuh tambagà, puwuh daluwang, puwuh kêkarangan, sa, surh tmurose, 3 bidang, tabya bun 3 bulih, mica gundil 3 bêsik, pipis den alêmbat, we wrak, aràpaknà. Yan sakit bilang sandhi, puwuh Dhaka, nga, sa, kunyit 3 ris, maswi panggang, sêmbaraknà ring gnahing laranya. Malih yanya bêsêh lunas awaknya, tanganya mwang sukunya, puwuh kangkà, nga, ta, nya, sa, don dausàhaya, rwaning kayu jnar, uyah uku, kunir, 3 ris, sêmbaraknà gnahing bêsêh. Ta, puwuh rusak, sa, lampuyang, kacungor, klapa, sêmbaràknà. Malih makà [6b] wêdaknya, sa, kapkap 3 bidang, mica 3 bêsik, trikatukà, we wrak, wêdakaknà.

Ta, yan arêp mangde wtu sahananing puwuh, kang alà ring dalêm, sa, who dalimà ptak, pet wwenya, we katimun pinarud, akah slagwi, cakcak prêsàring, dagingin madhu, gula manggalà, sarin pucuk. Mantranya, sarin manobhawa, haywa nglenin, iti mantranya sarin manobhawa, arêp mampaha ring wtêng, mngà mtu mngà, 3. duking anglêkasakên mantra ikà, amati bayu mangulah cayà, idêp mtu lingsir wetan, luhuring manobhawà mangkana tingkahing anglêkasing gring kacacar, mwang daksinane gnêp, 1, bras acatu, màrthà 500, haywa ngirangin. Malih yan mayun ngawtuwang puwuh saking [7a] tngah, lamakane mtu sane ring tngah mawing jaba inang, sa, don paya puwuh, trikatuka, dwi santên kane, tahapàknà, mantra kadi dumun, mwang upakaranya tunggal.

Ta, sakalwiring puwuh rusak, puwuh tambagà, puwuh kêkarangan, puwuh lintah, puwuh nanipi, puwuh dalwang, puwuh balulang, puwuh nasi-nasi, puwuh mirah, sa, isen, trikatukà, katumbah, sinanga kabeh, sêmbaràknà.

Ta, puwuh rusak, puwuh bêsi, puwuh tambagà, puwuh sukun, sa, gamongan, isen, candana, we bras, sami ingasab, sêmbaraknà, mwang anggen sarêbuk awaknya, haywa nyiramin, 3, kajêng wusan 3 kajêng, siramin sadarana, wus adyus malih sêmbar kadi rìng arêp.

Ta, [7b] puwuh rusak, puwuh wêsi, puwuh sukun, puwuh tambagà, puwuh balulang, puwuh kêkarangan, sa, kapkap wattha padha 3 bidang, tabya bun 3 bulih, micà gundil 3 bêsik, pipis kabeh, we wrak tahun, wdhakaknà.Malih maka usugnya wwang kacacar, sa, lampuyang, katumbah, trikatukà, tingkih lanang, micà, tabya bun, we santên, we jruk, kla de aratêng, usugàknà.

Ta, kacacar, yanya rusak puwuhnya, sa, bangkêt isen, bangkêt bangle, ra, musi, trikatukà, we wrak tahun, tahap.

Ta, puwuh kawon, sa, tambako bali, isen, moswi, candana, asab kabeh, asing kawon olesin. [8a] Mantran tambà, puwuh mapinda rusak, sakàlwiring tamba puwuh rusak, wnang mantràkna, Om sang bhùtà kacacar, aja sira anglaranin sajroning wtêng, mlasat mandadi banyêh, mandadi gtih hêphêp sêmpyar, 3, rah akarah akarih, rêp tà ngko kità, tka urung 3, gtih ri sor mandadi gtih kêkalas, mingserà, ngenakin, tkà mingsor 3, bhùtà ngamuk ring jro wtêng, kawon dening sanghyang taya. Malih mantrà salwiring puwuh alà, ma, pukulun bhatàra bhuddhà, bhatàra guru, anguripaknà manusa kabeh, Om paramàsiwà swahà, Ang Ah, jêng. Iti, ta, yanya puhun puwuhnyà, sa, rwan libukit, asêm lamà, mùr, lungid, we santên, klapà ijo tahapaknà. Muwah [8b] maka wdhaknya, sa, rwan libukit, tingkih lanang, lunak tanêk, adas, wdhakàknà.

Ta, puwuh sukun, salawiring padah, tambà wdhak iki maka pangringkêsnya. Nghing haywa ngiramin antuk we tabah, sa, don sêmbung bangke, don nasi-nasi, don kwanji, tingkih, lunak tanêk, adas, gcêlaknà ring gnahing padahnya.

Ta, puwuh udêp, sa, ron kwanji, tingkih, bawang, pinipis, wdhakaknà, ta, puwuh àhêp, sa, don sêmbung, tingkih, wdhakaknà.

Ta, puwuh puun mwang padah, sa, tombong, katumbah 3 jumput, sanggawuk 3 jumput, sêmbaràknà awaknya kabeh.

Ta, yanya hêp puwuhnya, mwang cêkok, sa, rwan dausahaya, [9a]Winêjêk, we bras, ra, bawang matah, sari, sêmbar awaknya kabeh.

Ta, kacacar, yan padhah puwuhnya, tùr sêbuh tùr irêng tuktuknya, puwuh tnangan, nga, sangapa nênangin, ika ngaran tnangan desti, sa, toya mawadah sibuh cêmêng, mantranin pamanda yusà, urip yà wwang mangkana.

Ta, yanya mapindà gnit, puwuhnya, sa, asaban mwang maka inùmnya, sa, montong byu gdhangsabha, silàgwi, ktan gajih, asaban candana, tahap.

Ta, gnit, sa, slàgwi panjangnya atujuh, sanggawuk 3 bêsik, kasuna abadih, cakcak, prêsàring, tahapaknà.

Ta, gnit, sa, don kacubung kasyan, pamor [9b] Bubuk, wdhakaknà.

Ta, pamarisudan gnit, sakalwiring gnit, ma, pukulun kaki bhagawan citragotrà, nini bhagawan citragotri, manusàn pukulun, atêtamban wisya gnit, hana prettha katarà, hana pawu bhatàri aglah upas ika, sarayà pitung punggul, tugêsakna, waras, tlas. Wus minantram gtisin wwang agring antuk muncuk waru ikà, ping pitu, hêlêd ping pitu, ubesang ring pakarangan, mwang ring paturon wwang agring, sa, toya mawadah sibuh cmêng, muncuk waru, 3 muncuk, matali bnang tridhatu, 3 ilêh.

Ta, puwuh puun, sa, bwah base, linjong dapdhap, umbin kayu tawa, we wrak lama, olesaknà dening hêlaring sata ptak

Ta, [10a] kacacar, yanya gnit, sa, sari ingasab, kcirin we ning jruk linglang, olesin gnitnya.

Ta, kacacar, yanya gnit awaknya, sa, montong isen, gamonga, bras bang, pipis saring, anggen mêbêhin awaknya, ma, hyang tan katinghalan, lan tan palawat.

Ta, puwuh yanya gnit, yanya madyus, malih siramin we angêt, maplapah rwaning lampni, wus mangkana, malih oles antuk damuh, wus maoles, malih sêmbar antuk isen kapur, pinarud, kutang bangkêtnya, ampase anggen nyêmbar sai-sai, sakarinya gnit, phalanya waras suddhanya. Nanghing yanàna wwang agring kacacar, yanya krêng gnit awaknya, awasàkna de prêyatnà, apan ikà panêngêran puwuh pacang kêwêh. [10b] Awasaknà araning puwuh, yen karasa puwuh alà, haywa nyiramin antuk we tabah, maka panyiramnya, sa, yeh angêt, maplapah rwaning lampni sane putih, ika anggen nyiramin sai-sai. Wus masiram olesin antuk dhamuh, wus maoles malih sêmbar antuk isen pinarud, kutang yehnya.

Lontar Usada Kacacar 11a - 19b

Ta kacacar, yen putih puwuhnya, tùr asat, puwuh daluwang, nga, den prêyatnà, haywa nyiramin, sa, cuka tahun, asaban candana, wenya aworàkna, tahap.

Ta, puwuh daluwang, sa, bras putih, isen panggang, sêmbaraknà raganya, yan masih agring, sa, carmman poh amplêm, isen kapur, prês kutang bangkêtnya, ampase nyahnyah. [11a] Sêmbaraknà ring gnahing larà, nghing haywa nyiramin, yeh tabah, maka dyusnya, sa, yeh angêt, maplapah don isen, kapkap, gamongan, kraras pisang ktip, ika juga maka panyiramanya.

Ta, puwuh daluwang, mwang yanya kmos, tùr blah-bêlah, sa, kapkap, lampuyang, isen kapur, bungkil gdhang ktip, nyuh matunu, katumbah, bras bang, sêmbar laranya, maka pangwasuhnya, sa, wwe bras bang, isen kapur, gamongan, padha ingasab, kapkap, paya puwuh, we cukà, ika yehnya, anggen nyiramin, haywa nyiramin antuk yeh tabah.

Ta, kacacar, yenya kmos, sa, bangkêt isen, gamongan, kapkap, bras bang, candana, yeh gadbong byu ktip den akweh, [11b] Olesaknà ring gnahing bosognya, mwang ring gnahing kmosnya, sêmbaràkna wnang, muwah makà panyrêbuknya, wwang knà gring ikà, sa, carmman poh ijo, carmman juwêt putih, isen kapur, jlawe, bras bang, katumbah, sami nyanyah, cakcak den alêmbat, srêbuknà. Malih, sa, kêpah, poh ijo, poh amplêm, duwêt putih, bras bang, injin, ktan irêng, kasuna jangu, sêpêt-sêpêt, sami nyanyah, pipis den alêmbat, srêbuknà. Malih, sa, carmman juwêt putih, kasuna jangu, spêt-spêt, sami nyanyah, pipis den alêmbat, srêbuknà.

Ta, puwuh blah-blah, sa, lêngis tanusan, carmman kacêmcêm putih, komak putih, botor putih, [12a] tabya bungkut, trikatukà, ika ginoreng, lêngisnya anggen pangoles, mpasnya ginawe srêbuk.

Ta, puwuh yanya bosog, muwah yanya kmos, tùr blah-blah, haywa nyiramin antuk yeh tabah, muwah maka tambà inumnya, puwuhe badês, sa, asaban candana, damàr selà, cuka, tahapaknà, maka srêbuknya, sa, carmman kusambi, jêbugàrùm, clagi, juwêt putih, sami carmmanya, maswi, jlawe, bras bang, sami nyanyah, pipis den alêmbat, wus ratêng, ika anggen mêbêhin ane bosog, yenya kari agring, sa, bwah kêm, bwah lêmpni, kapkap, maswi, bras bang, katumbah, sêmbaraknà bosognya.

Ta, kacacar, yanya mamdah, mwang mamrung, sa, babakan [12b] Poh ijo, tuwung kripit, lampni putih, kambo-kambo, sami rwanya, bras bang, sami nyanyah, ika anggen bêbêk, muwah maka pangolesnya, sa, rwan paya puwuh, antawali, 3 ris, mica gundil, 3 bêsik, we cukà, olesaknà, malih maka pangoles, sa, tabya mapêndêm, uyah nyanyah, uyêg, we iduh bhang, kasuna jangu, olesaknà ring laranya. Muwah makà pangolesnya, yen puwuhe masawang bunglas, sakadi kêbus, sa, bangle mapêndêm, jêbugàrùm, katik cêngkeh, maswi, sami nyanyah, apang puun, ulig den alêmbat, we iduh bhang, bwah jêbug, olesaknà.

Ta, puwuh bonyok, sa, kapkap, gamongan, katumbah, [13a] yuh tunuh, sêmbaraknà, haywa nyiramin, alêdne mdhêm rwan kayu sangkà.

Ta, puwuh magasgas, mwang bungkah, sa, rwan simbar, bawang tambus, pipis den alêmbat, olesaknà.

Ta, puwuh daluwang, putih rupanya, abrinik, sa, bras bang nyanyah, sêmbaraknà, haywa nyiramin.

Ta, puwuh rusak, tùr blah-blah, sa, jahe pahit, trikatukà, pipsi den alêmbat, we iduh bang, olesaknà.

Ta, lêpas tinulung, bêngkà êngkab kulitnya, yen rusak puwuhnya, mwang bosog, sa, kapkap, gamongan, nyuh tunu, katumbah, sêmbar awaknya kabeh, yan karasà ngêncah katêngah, inumnya sajeng wayah, mwang arak sane bcik. [13b] Alêdne mdhêm, sa, kalupakan byu gdhang sabha, akit rinajah sanghyang taya, raris pdhêmin, ma, Ong mtu, 3, banyêh nanah, mandadi yeh, mtu ta sirà, lah waras, 3. Muwah maka inùmnya, sa, paya puwuh, carmman bungli, bungkil gdang sabha, akah kêndal batukà, akah pakis, lunak tanêk, bawang tambus, santên kane, pipis prêsàring, tahapaknà.

Ta, puwuh nyarêm, mwang mamrung, sa, tmutis, sêmbung rambat, lunak tanêk, pipis, madhadhah, olesaknà. Malih pangêsêsnya, sa, yeh bungkak nyuh nyambulung, kasela lipit, madhu klupà.

Ta, yan nyarêm puwuhnya, tùr blah-blah, sa, carmman kacêmcêm putih, ginoreng, olesaknà. Muwah maka sêmbarnya, sa, [14a] kapkap tmurose, 3, bidang, isen, gamongan, ra, katumbah, nyuh tunu, ma, Ong paramasiwà nirmmala swahà. Ta, yen blah-blah puwuhnya, mwang bosog, sa, carmman kacêmcêm putih, carmman kalampwak putih, katumbah, sêmbaraknà.

Ta, yan bosog puwuhnya, sa, yeh bras bhang, isen, gamongan cnik, sami padha matakêh, aworaknà kabeh, ika, dyusaknà, sêmbar wnang, ma, Ong paramasiwà nirmmalà swahà.

Ta, yanya bosog nunggal-nunggal, maduluran sada gnit, tùr kuplakuplak carmmanya, sa, babakan poh ijo, isen, damàr selà, bras bhang, candana, sami ingasab, asing kuplak olesin.[14b]

Ta, puwuh rusak mapinda bosog, tùr blah-blah, sa, don liligundhi, gnahakna ring soring wwang agring aturu. Malih, sa, jahe pahit, trikatukà, pipis saring, pet bangkêtnya, olesaknà antuk bulun syap. Malih, sa, yan puwuh rusak, mwang mapinda bosog, sa, babakan kacêmcêm putih, pipis sàring, pet bangketnya, aworin tabya bun masêsêb, ginoreng dening kawali wajà, lêngis tanusan, wus ratêng, olesàkna dening bulun syap.

Ta, puwuh barah guling, yanya blah-blah, sa, bulun syap ginêsêng, we santên kane, olesaknà.

Ta, kacacar, yanya bongkang puwuhnya, sa, isen kapur, sari ingasab, damar sela, olesaknà bongkangnya. [15a] muwah maka sêmbarnya, sa, kapkap, 3, bidang, bras bhang, kunyit, katumbah, sêmbaràknà.

Ta, puwuh mamrung, sa, kuwud nyuh nyamulung ne sumambuh, mnyan madhu, lunak tanêk, jbugarum ingasab, tahapaknà, ma, Ong ni bhagawati, kalikà kalajari, luwar kità banaspatiràja, manglaranin jro wtênge syanu, tka mintar.

Ta, puwuh brung, sa, basà wangi-wangi, basan sate lêmbate, sêmbar laranya, upin wnang. Malih maka pangapunya, puwuhe mamrung, lêngà tanusan, kulit nyuh ika ginoreng, anggen ngapunin laranya, mantranya kadi dumun. Iti pangêtuhang puwuh, yan wus angêndas, sa, badung, lunak mapanggang, lêbokaknà ring toyà. [15b] Ikànggen nyêmbar. Muwah maka wdhaknya, sa, rwan lêmpni tkaning babakanya, bras bhang, isen, wdhakàkna. Malih, sa, babakan poh ijo, maswi, isen, wdhakaknà.

Ta, bibih matanya bêsêh, sa, babakan kacêmcêm, pulasai, we ktan gajih, arapaknà.

Ta, yan karasà madhami matanya, pcehnya nyangkêt, twara dadi kêdat, sa, rwan paya puwuh, bangle, 3 ris, lablab apang lêpah, olesàknà.

Ta, mata kacacar, yan mangkana, sa, gtih lindung, gtih gadagan, yeh tunjung biru, yeh sempol, nghing bantênang ring sanggar kamulan, maduluran canang buratwangi, lêngàwangi, wus mangkana, campuràkna ring gtih ikà, pêpêhaknà ring socanya. Yanya kari agring [16a] wêwêhin gtih sêsapi buduh, gtih cêmpihit ring sanggar kamulan.

Ta, kacacar, yanya bêsêh socanya, sa, tahining wong, tahining bwati, winorakna ring bêsêhnya.

Ta, puwuh mtu ring mata, yanya sakit buka urêk, krasa kadi plud, ikà tngêran puwuh pacang mtu ring mata, sa, kapkap wat apadha, jêbugàrùm, kasuna jangu, êngkahin, ping 3, raris sêmbaràkna.

Ta, mata kutikan, sa, silodhakà, madhuklupà, bangsing bingin, yeh kakul, puhaknà socanya.

Ta, mata malêtus, tùr lara, sa, woh byu gdhang sabha ne wawu êmpêt atina, rinajah kayeki, ..., puhakna ring socanya. Malih, sa, wijaning tlêng putih, tkaning bunganya, tanduk manjangan [16b] Ingasab, wenya we susu wwang mànak jumun dahanà, wedhang ring kawali waja, rajah kayeki ... yan wus ratêng, pêhakna socanya, ma, Ong sanghyang raditya wulan lintang tranggana, kalambukan dening megha, kasiliring pawana barêt, byar apadhang, slar panone syanu, hning, 3, kedêp sidhi mantranku. Sahananing tambà mata larà, wnang mantra iki anggen.

Iti muwah, ta, mata malêtus, sa, tawas biru, adas, lungid, pêhaknà socanya, ma, Ong kàla lungà, mrêttà tka waras, siddhi mantrànku.

Ta, mata putih, [17a] sa, kdapan bayêm raja, asaban bahêm warak, asahang wenya, pêhaknà socanya, mantrà kadi dumun.

Ta, mata rusak sakalwiring rusak, sa, ambên canging pinipis, yehnya pet, asaban manik kakul, asaban silodhakà, asahang yehnya, pêhakna socanya, mantrà tunggal kadi dumun. Arapnya, sa, rwan saruni bungà, bawang adas, pipis, arapakna.

Ta, puwuh krasa mtu ring karnnà, ring irung, ring tani, mwang ring matà, yan karasa sakit, buka urêk, sa, myana cêmêng, pêhaknà ring irung, mwang ring karnnà, ring mata.

Ta, tanêng tumbuhin dewa, yanya ring jroning tanêng, twara dadi maglêkan, sa, byu mas [17b] Malablab, weh santên kane, inum.

Ta, yan hana puwuh mtu ring lidhah, tan kwasa maglêkan, sa, tapis wawu kêbah, santên kane, ra, bawang tambus, prêsàring, inum.

Ta, kakolongan sakit, twara dadi maglêkan, sa, bulung daya, uyah, lablab apang lêpah, inum sai-sai, arapnya, sa, bungan paspasan, bawang, adas, isin tingkih, urapaknà, yan masih agring, malih sa, tabya bun, adas, pipis, we jruk linglang, arapaknà.

Ta, kakolongan wtuning dewa, sa, asêm kawat, trusi, tahapaknà, ma, Ong rah mtu rah, 3.

Ta, kacacar, yanya srêt munyinya, tùr lara ring bawongnya, sa, bwah balingbing buluh, gulasari, [18a] timbung dening pring, wus ratêng tahapaknà.

Ta, kacacar, yan larà bawongnya, sa, bubur ktan gajih, gulasari, bulung daya, pangan.

Ta, puwuhe marumpyuk-rumpyuk, sa, maswi, candana, tambako, sami ingasab, olesàknà.

Ta, yan hana wwang kacacar, yanya poleng butuhnya, sa, taluh syap slêm, pet putihnya, dagingin madhu, arapaknà, ywadin ring ragà, yan hana krasà puwuh mdhal amtu, ikà anggen ngarapin, suddha denyà.

Ta, yanàna wwang agring kacacar, yanya bêsêh butuhnya, sa, taluh cêkcêk, rwan tampak liman, sarikuning, yeh santên kane, [18b] Arapaknà.

Iti tambà panglangah puwuh, yan ri wawu glêmnya, haywa si sang nganukangin tan angangge, mangde dadi kewalà pêpêk linggih ikang puwuh, sa, katumbah aji 1 bidang, aja mlaku imbuh, aja ngawarahing pacang tamba, ma, Ong sang bhùtà bhùmi, ingsun anjaluk puwuh kaya iki, tlas. Wus puput raris sêmbar dhadhanya, ping 3, mwang ring tundun ping 3, raris sêmbar nuhunang, satlahan tambà ikà, tlas.

Ta, kacacar, yan arêp makaryya puwuh apang bêcik, apang kawasà kewalà pêpêk linggih, sa, montong isen kapur, bras bhang, irag mangde itêk, prêsàring, ikànggen bablonyok awaknya kabeh, yan sampun makire iyat, dhusanggin awaknya. [19a] phalanya siddha rahayu wtuning puwuhnya.

Ta, yanya wawu glêm, puwuhe dhumara mtu, karyyanin mangde yà abêsik, phalanya anggen saswuk, anggen panglangah, sa, katumbah aji keteng, haywa malaku imbuh, haywa ngawarahang pacang tambà, sêmbarakna tangkahnya, uli di duhur nganuhunang, mwang ring tundun nganuhunang, padha ping 3, tlasing makjang. Muwah yanya arêp makaryya puwuh den abcik, nghing yanya wawu glêm, sa, paya puwuh sakamulan, carmman bungli, bungkil gdhang sabha, akis pakis, lunak tanêk, bawang tambus, santên kane, prêsàring, tahapaknà. Malih maka inumnya, sa, muncuk dapdhap, 3 muncuk, ngalap haywa nglawatin mwang haywa katngaban, sraudang aji keteng, haywa lumaku

[19b] Imbuh, tahap, ma, Ong sapa ko, sapà dewa, dewa lumaku tuna liwat, Ong biyar apadhang, 3.

Lontar Usada Kacacar 20a – 28a

Yan hana wwang kacacar, ri wawu glêmnya, haywa sang anukangin anyahak, phalanya tan sipi matbêl ikang puwuh wtunya, tùr alà, apan sami mtu sahananing puwuh alà mwang ayu, kewalà soroh tamba panglangah puwuh, ika jugà anggen.

Yanya karasa alà pacang puwuhnya, balikàknà mwang lukatàkna dening pùjasrawwe. Yanya sampunya karasa rahayu, wnang sahakàkna. Ikà kengêtakna ginawà de sang anukangin wwang kna gring kacacar.

Iti panglukataning wwang kacacar, pùja srawwe, nga, phalanya, yan hana puwuh alà ring dalêm sarirane angadakakên [20a] pati, tlas mtu denya, phala awet urip ikang wwang ika.

Yan katkaning gring kacacar, sanak putunira, lêkasàkna sai-sai, kalaning tngah ngwe, mwang kàlaning sandekàla, haywà tan ingangge de sang anukangin, sa, toya mawadhah payuk anyar, ikà anggen adyus, mwang inùm sai-sai, tingkahing akaryya dhaksina, 1, gnêp, martha 1700, canang 3 tanding, majinah11 swang-swang, ne atanding aturaknà ring sanggar kamulan, mwang ngasêp den awangi, mantràkna ring arêping sanggar, sêsantun ikà, mabras acatu, lawe tukêlan, wus pinùjà, tibàkna ring wwang agring, tingkahing atoya, ktisang rahupang inùm, padha ping pitu, sesanya, dyusakna, talêr ring arêping sanggar, phalanyà [20b] Ràhayu ikang puwuh. Muwah yan siwadwaraning wwang agring mantranin wnang, sêsantun ika wnang kàlap, bilang makaryya panglukatan ika, dhaksina ika mwang sasantun, talêr mdalang haywa sirà tan masadhana sêsantun, yan sampun puput sapula-palinya, irikà wnang kàlap sêsantun ikà, ma, Ong Ang Ung Mang Ong Ang Ung Mang, tri dewatà paramà sidhyam, sapta sunya nirbhanà paramà sidhyam, sàh yoggi maha sidhyam, sukla nirmmala asaktyam, pùja srawe mahotama, sarwwa papà patakà pùrnna ya namah, sarwwa ilà lara rogà wighna pùrnna ya namah, sabdha idhêp suddhà ya namah, Ong Ong Ong, Ong srì jagat padhuke byo namah, Ang Ah, jêng, tlas. Tingkahing anglêkasàkên mantrà iki, ambayu mati, mangulah caya, [21a] idêp mtu lingsir wetan, luhuring manobhawa, ma, arêp ampeha ring wtêng, mngà mtu mngà, 3. ika anggen mulurin, toya ikà madaging bungan jêpun, mwang sakalwiring pamalik, mantràkna dening puja srawwe, haywa sira sang anukangin tan ingangge.

Iti mantrà pùjà srawwe, sa, toya mawadah tambang ne anyar, samsam wija kuning, mwang bungan jêpun saha dhaksina 1, màrtha 1700, mantràkna ring arêping sanggar kawitan. Yen têpêt dentà myasàkna, phalanya tlas puwuhe alàne ring jro dalêm, sami mtu ring jaba, haywa sira tan ingangge, ma, pukulun sanghyang gururekà, jadma, manusà nirà anglêkasàkên pujà srawwe, andhà uriping manusà jati hning, kamrêtthanan de [21b] Bhatàra, Ong paripùrnna sarirane syanu, Ang Ung Mang, Ong, Ang Ah, Ong siddhir astu ya nama siwa ya, Ong sarwwa rogà aroharà, tlas. Iti mantrà siwa nirmmalà, maka pamalik puwuh, sane alà ring dalêm, sakwehing puwuh alà, ne tan katon den sang anukangin,

iki wnang maka pamaliknya, sa, yeh kuwud nyuh gading, kinasturi, madaging asaban candana, majagawu, mnyan madhu, sami ingasab, aworàknà ring wwe bungkak ikà, mwang sêsantun, den agnêp, màrtha 1700, asêp den awangi, ma, Ong siwa nirmmalà dewatà, tri dewati, tri bhùwanà, sarwwa malà paripùrnnam, ila patakà moksanam, dùrggà kàlantakà jayam buddha prawàksira dewam, bhùtà wadwa nirà [22a] kotyàm, Ong sarwwa wisya tirtta waranyam, Ong siwa nirmmalà mrêttànam, tirttanam mahapawitram, dùrgga kàlantà, sri dewi pùrnna sajatyam, tirtta mrêttà mtu saking swargga, siniram dening bhatàra paramàsiwà nirmmalà, angantuàkên bhatàra buddha, waluyà sira, dadi bhatàri sridewi saraswati gangga, Ong prêtamà suddha, angilangakên papà patakà, dwitya suddha, angilangakên lara roggà, tritya suddha, angilangakên lara wigna, catùrti suddhà, angilangakên sarwwa kàlà kàli kalusà, Ong pañcami suddha, angilangaknà sarwwa mala wigna, Ong siddhir astu yà nama swahà.

Iti mantrà anggen ngawêtwang puwuh ala ring dalêm sarirà, sakàlwiring puwuh alà, ne angadakakên pati, iti pùjà [22b] Pamandha yusà, nga, trapakna ring wwang knà gring kacacar, phalanya yan tan sinilir dening bhatàrà buddha, tan suddha dening wwang angleyakin, yan sira angangge mantrà iki, yanyà sampun kàtrapan, wwang kna gring kacacar dening mantrà iki, yan talêrnya pjah wong ikà, jatinya kapilih dening bhatàra buddha, pitaranya mantuk ring swargga buddhalayà malungguh ring meru màs tumpang limà, mandadi dewatà dewati, haywa sira umangênakên sanak putunta, maka sadhananya, sa, kuwud nyuh gading kinasturi, madaging asaban candana, mwang skar suddhàmalà, pinùjà ring arêping sanggar kamulan, dampingana dhaksina 1, nghing mangde gnêp màrtha 770, ma, Ongkaram saddha siwanta, amrêttanam, sudàtmakam, sarwwa ilà upadrawam, sarwwa [23a] rogga winasayam. Ongkaram tri bhùtà tri dewyam, bhùtà layam wisantakam, sarwwa ilà rogga patyam, sarwwa klesa winasayam, brahmà wisnu iswara dewyam, mrêtta sañjiwani jiwam, sarwwà papà patakà pùrnnam, sarwwa dosa winasanam, Ong Ang Ung Mang, Ang Ah, mrêtta suddha ya namah.

Iti malih duluranya, sarining mrêtta sañjiwa, nga, ma, Ong suddhà mrêtta sañjiwà, pùrnna ya namah, tlas.

Iti pambêbayon, sa, toyà mawadhah sibuh cmêng, lêbokakna wijà, bêbêhakna ring wunwunan, haywa keh inguyup, Ong putra putri dewanan mati, tan ànglus panglêsu ingêtàknà, bayu prêmana ne syanu, rumangsuk maring anggane, uragàne syànu, tkà sgêr. 3. Malih pambêbayu, ma, Ong Ong Ong praja mani ya namah, [23b] Ong Ong Ong bhùtà bali ya namah, Ong Ong Ong dewa sanghyang ya namah, tlas. Mantràknà asing bhaya, haywa tan prayatnà. Malih bêbayon, sa, toyà mawadhah sibuh cmêng, mwang wija kuning, siratin wwang agring, inum, rawupang padhà ping 3, ma, sira hyanging sunya, ingsun angundang hyang hyanging sunya, muliha maring prêmanà gati, tkà sgêr, 3. Malih pambayu, tngah wtêngnyà, ma, sanghyang atmà pariatmà, mulih maring dhampu ulung bang, tlas. Iti mantrà panulung agring, yan hana wwang agring rahat, Ong Ong mati brajà wisesà tkà andhawà urip, bayu sabdà idêp, tlas. Mantràkna ring slagan alisnya.

Iti mantrà maweh sêpah ring wwang agring, ma, Ong atma tkà i bayu, waras, 3. [24a] Malih mantrà maweh sêpah, ring wwang agring, ma, Ong urip muwah, uriping urip mulih maring bayu sabdha idêp, tlas.

Iti panyahak puwuh, mwang pinaka sang mahayu puwuh, sa, toya anggen padyusan wwang agring, pulangin sanggawuk, 3, bêsik. Ma, Ong madheyam, mati ta yà matiyam, apan mati buron apasang-pasang, anglurah samañca, tan hana kabuyutan aeng, tan hananing bhùwanà mandhi tana kabuyutan àgung mandhi, padyusanirà padukà bhatàra guru, tkà sahak, tkà pùrnna hayu waras, 3. malih pamahayu puwuh, ma, Ong sang kulang kaling, aja sirà anglaranin ring jro wtênge syanu, awalik ta sirà puwuh sukun, puwuh wêsi, puwuh tambagà, puwuh lintah, [24b] dadi sirà puwuh sanggawuk, puwuh katumbah, dadi hning sira kabeh, dadi ta sira puwuh siyah, 3.

iti panyahak puwuh, sakalwiring puwuh, sa, gamongan 3 ris, pulasai, bras pinge, ma, Ong i akasà ma ra la wa ya Ung, Ong tkà sahak, 3. tamba ikà wdhakàkna. Malih panyahak, sa, kapkap, tabya bun, kapkap, mica, kapkap suruh wangi, isen kapur, bras bang, antawali saguli pañjangnya, pipis, yeh cukà tahun, wdhakàkna, ma, pukulun bhatàra buddhà, bhatàra guru, anguripàkna manusà kabeh, Ong paramàsiwà nirmmalà mrêttà ya namà swahà, Ang Ah, jêng. Malih panyahak puwuh, sa, isen, gamongan, kapkap, bras bang, candhana, bawang bang, sami ingasab yehnya. [25a] banyun bras putih, sêmbarakna makà awak. Malih panyahak ka tngah, sakalwiring puwuh, sa, umbin bakung, bawang putih, umbin bakunge marajah taya amusti, pinarud, prêsaring, petên wenya, mantràkna pùjasrawe, haywa nglenin, tahapàkna, haywa sira hima-himà, yan wwang wawu glêm, awasàkna den apdhas, haywa sing tka nyahak.

Iti tngêran puwuh ring jro, yan angilut awak laranya puwuh lindung, nga, sa, gtih lindung, trikatukà, mantram pamalik puwuh anggen ngamantrain, wus amantra basmaknà wwang agring, ma, pukulun kaki putih irêng, paran dereng karyyanirà, ingsun anggwe candhi bhang, candhi putih, tanàna sang ratu biyane, tka wurung, 3. [25b] muwah yan hana wwang agring, lara wtêngnya, tùr ya niwang, puwuh nàga ring jro, nga. Muwah yan hanà wwang agring, lara siksikanya, rawuh ring kakolonganya sada lara, puwuh nagà ring jro, nga, maka pamaliknya, sa, gtih katak, gtih lindung, sami padha idup, bungan sempol, anggen natakin, mwang toyà mawadhah coblong, sami lêbokàkna ring toya ikà. Mantran pamalik puwuh anggen ngamantrain, wus amantra, raris potong katak ikà, mwang lindunge, rahnya aworaknà paturu rah, bhasmàknà wwang agring, toyane ring coblong anggen adyusin wwang agring, muwah upàkaranya, dhaksina 1, màrtha 1700, bantênakna, ring sanggah kamulan, nêmbah ring [26a] sarwwa mayà, ma, Ong sa ba ta a i na ma si wa ya, tangan kinudungakên kar, mwang maka caru, ayam irêng, wehing wwang agring. Muwah yan hana wwang agring lara wtêngnya angulêt, nghing ya nora niwang, puwuh anipi ring jro, nga, sa, akah paya puwuh, kunyit warangan, pamor bubuk, bawang tambus, pijêr, tahapàkna. Muwah tamba puwuh, anipi ring jro, sa, isin tingkih, bawang tambus, wenya tahapakna.

Ta, puwuh anipi ring jro, sa, akah katang-katang putih, wandhawa, yeh santên, tahapàkna. Mwah sa, embong kutuh, tombong pinanggang, wandhawa, bawang tambus, pùhakna irungnya.

Ta, yan lare nangis macara, tùr loso-loso awaknya, dakang be julit ring jro, [26b] nga, sa, akah padhang ngalya, slagwi, yeh iragan ktan gajih, pijêr, tahapakna. Malih, sa, sibuh cmêng, dagingin pañcing, dagingin toya, ma, Ong Ang Ung Mang, Ong ring idêp. Ktisin wwang agring mwang inum, sesanya dyusakna wwang agring. Muwah yanya angokoh ngokoh puwuh landhak ring jro, nga, sa, kasela putih lawas, pinarud, yeh iragan ktan gajih, bawang tambus, pijêr. Tahapàkna, mwang kaselà ne gantungaknà ring luhuring wwang agring aturu. Ika pamarisuddhanya puwuh landhak.

Ta, yanya kanyatnyat kanyotnyot tùr anyujuh cangkêm, puwuh bikul ring jro, nga, sa, bulun meng, gêsêngaknà, tatakin dêdasar, madaging toya, lêbokakna ring toyà, [27a] siratin wwang agring mwang dyusaknà, carunya, sa, padi gantungakna luhuring wwang agring aturu.

Ta, yan dinyusan wwang agring jêjêh, tan wani mulating toya, tùr ngidêm, socanya tan wani mulat, puwuh kambing, nga, muwah yanya ciplak-ciplak, puwuh kambing, nga, sa, bangsing bingin, sane nguda, ktan gajih, pijêr, bawang matambus, tahapàkna, yanya kari agring, sa, sibuh cmêng misi toyà, muñcuk bingin pitung muñcuk, talenin lawe irêng, lêbokakna ring toya, ma, Ong Ang Ung Mang, Ong ring idêp, siratin wwang agring, sesanya dyusaknà, haywa nginum, padha maping 7, siratang lawan dyusakna. Muwah yanyà ciplak-ciplak, sa, rwan bunut, pipis, yeh asaban [27b] candhana, wdhakakna ring awaknya kabeh.

Ta, yan dinyusan jrit-jrit patikêpug, mwang gatêl awaknya, tùr makuyang kayingan, mwang dumplak-dumplak, puwuh mañjangan ring jro, nga, sa, krikan tanduk mañjangan, iragan ktan gajih, ra, bawang tambus, tahapàkna, ma, Ong yang parame ta ya. Malih makà wdhaknya, sa, candhana, isen kapur, tinambus, sami asab, wus ratêng, wdhakàkna awaknya kabeh. Muwah makà padyusanya, sa, toya mawadhah sibuh cmêng, muñcuk waru, 3 muñcuk, lebok àkna ring toya ikà, ong sang mona-mona nama swaha. Mukanya simbuh ping 3, dening muñcuk waru ikà, toyania anggun adyus kewalà, aja nginum, ika makà pamari suddhaning dakang manjangan, [28a] ta, yanya êngà-êngà, tùr lañjak-lañjak, muncuknya sada irêng, dakang singà, ngaran, sa, don samangkà, dyusàkna. Ta, yania ngrimik cangkêmnya, sada kapah kijapanya, mwang pakrêtkêt akwaknya gatêl, tùr pakàjutjut, dakang pnyu, nga, sa, jêbugàrum, kunir warangan, padha ingasab, olesàkna laranya. Malih, sa, isen kapur, asaban candhana, kcirin yeh jruk linglang, olesakna. Muwah maka inumnya, sa, montong byu gdhang sabha, wandhawa, slagwi, asaban candhana, tahapàkna. Malih, sa, sarang burung, gula pasir, dalima putih, paya puwuh, wenya inum, ta, yan hanà wwang agring kacacar, nangis ring wngi, kadi swaraning bajrà, puwuh kingking ring jro, [28b] nga, sa, bulun celeng ginsêng, luhuring dhadhaning wwang agring, wadahin dedasar wus ginsêng aworin gtih syap biying, lêbokakna ring toya ikà, raris basmain wwang agring ring arêping pawon, wenya dyusakna, aja nginum, iti mantranya, ma, ong nini bhùtà kala edan, kaki sang bhùtà kàla edan, aja sira tungtung tangis, iti tahapên sajinira, syah, 3, muwah prêcarunya, sa, bras bang anggen nasi, iwaknya bawang, mwang nasi pinge, iwak putih, sgêhanya dadyang limang kêpêl, alêdnya rwan andong bang, mawadah kawu mabulu, gnahakna soring wwang agring aturu.

Lontar Usada Kacacar 29a – 37b

Ta, yan manangis pati dulane tanganya, puwun kte, nga, sa, bras bang, katumbah babolong, trikatuka, yeh juwuk masêm, wdhakakna [29a] kabeh, ta, yania ngaliyêp, dakang badak, nga, sa, dingin-dingin, bwah base, gintên cmêng, sêmbar awaknya maka ukud. Ta, dakang badak, sa, buwah balimbing buluh, ne ngatut bunganya, asaban bahêm warak, matimbung dening tiying gadhang, wus ratêng, tahapàkna.

Ta, ngutah mising, puwah blabur, nga, baha abaas, sami akahnya, sari lungid, bawang tambus, yeh iragan ktan gajih, tahapàkna. Malih, sa, kapaspasan, padhang blulang, kbênbên, sami akahnya, bangsing bingin, ktan gajih, pijêr, bawang tambus, tahapàkna. Malih, sa, kapaspasan, nasi-nasi, padhang blulang, bayêm lalahan, sami akahnya, ktan gajih, [29b] pijêr, bawang tambus, tahapàkna. Malih, sa, rwan kapas tahun, mbotan teki, kunyit, adas, arapàkna.

Ta, mising rah mwang nanah, mtu ring silit, sa, bungan pucuk bang lamba, wenya asaban candana, aworàkna lênga tanusan, tahapàkna. Carunia, nasi bras bang, iwaknya bawang, wadahin kawu mabulu, mwang barah bêsikan, base porosan, pjang bten wwang agring aturu, ma, ong siwàtma nirmmalà ya nama swahà. Masaning acaru, nuju tngah ngwe bnêr, mêseh sai-sai.

Ta, yan, kreyek kreyok wtengnia, puwuh blabur, nga, sa, jae pahit, 3 ris, sêmbar- akna laranya, ta, kacacar, yania angising rah, sa, bungkil byu gdhang sabha, pet patinya, kamatama, uyah [30a] arêng, tahap, ma, ong bengota kita, tdah tduh ta kità ditara taluh, jro wtênge syanu, tkà pet waras, ta, yania amêtwakên rah, sa, supit waru, 3 muñcuk, mwang carmmanya, ma, ong rah mtu rah,3, tahap.

Ta, yanya mising, sa, tanah yanyan kagring tanah lawet bangun, ika hamet tabahe ring jitte, tampêlaknà ring silit, malih, sa, babakan sêntul, babakan tingkih, bras bang, pipis den alêmbat, we iduh bang, arapaknà.

Ta, kacacar, yanya mêmacin mtu rahnia, sa, liman cêkcêk, kêpitan waru, 3, muncuk, pipis, arapàknà.

Ta, yanya mtu rah sapangkanya, puwuh saludhira ring jro, nga, sa, rwan kapasilan, tanah tunggak kayu, [30b] ampo, gintên cmêng, santên, gula, lungid, tahapaknà. Iti mantranya, ma, ong siwàtma nirmmala ya nama swahà, carunya, nasi bras bang, pinulung-pulung, iwak bawang, mawadhah kawu mabulu, gnahakna têbenan wwang agring aturu, madaging bwah, base porosan, ta, yanya mutah rah gringnya, puwuh saludhira, nga, sa, kamurungan, sor natur, mnur lamba, sami akahnya, ragi bawang tambus, tahapàkna.

Ta, mata rusak, sa, taluh syap irêng, we jruk linglang, pêhakna socanya. Malih, sa, bwah cangorit, ne gadhang nguddha, kuskus pet banyunya, aworin gtih warak, dwi weh susu wong manak durung tumbuh gigi, mwang damuh ring skar tuñjung, [31a] basêhin socan pùrnnajiwà, ma, ong sanghyang candrà asocà tatlu, alapan sanunggal, kari roro, byar apadhang, 3, pùhakna socanya. Iti tamba, yan hana wwang agring, yan kari grah awaknya, puwuh api ring jro, nga mwang sakalwiring puwuh alà, kari ya magnah ring jro dalêm, sa, kalentang kelor, cakcak, wenya anggen ngêcêl awaknya. Yan tan wruh sang anukangin, ika yà angadakàkên puwuh balulang.

Ta, puwuh tangi, yan hana wwang agring, sakit mêmatu ring nghulun atinya, puwuh angin, nga, sa, babakan gagirang, tmukus, kunyit warangan, bangle, 3 ris, sembar hulun atinya, mantrain mantrà panawar.

Ta, yanya hana wwang agring karasà baat awaknya, maka ukud [31b] twara dadi bangun, puwuh gumi, nga, sa, akah pucuk putih, ktan gajih, bawang adas, mantràkna sarin manobhawa. Malih yan hanà wwang agring kacacar, yanyà sakit sarwwa sandhinya, pakabêtbêt, awaknya kbus magrah, puwuh linuh, nga, nghing tumbuh ring jroning pupusuh, nga. Kewêh sang anukangin, iti makà pamari suddanya, nghing yan tan samayaning pati, sa, baligo arum, marajah kdi, misi sàstrà triyaksara, dalima ptak, slagwi, sarilungid, katik cêngkeh, màtum, tahapaknà. Muwah yanya wus adyus, mawtu tan eling, tùr angtor awaknya, puwuh linuh ring jro, nga, sa, bligo arum, bwah dalimà putih ne wayah, bawang putih ne nunggal, [32a] slagwi, katik cêngkeh, tum kuskus, wus ratêng, tahapàkna, mantràkna ring kasyapà, haywa nglenin.

Ta, yan hana mwang agring, tan eling ring awaknya, puwuh bangke, nga, sa, akah glagah, akah tingkih, bangsing bingin, akah tampak liman, kundhang kasih, sêmbung bangke, babakan pule, slasih mrik, myana cmêng, lunak, ktan gajih, candhana, juwuk linglang, kuwud sumambuh, tum, wus ratêng, tahapàkna, maka sêmbarnya, sa, woh bligo arum, pinarud, kuskus, prês apang pêsu toya, anggen nyêmbar awaknya kabeh. Muwah yan hana wwang agring kacacar, yan macêblêng awaknya, ring tngahing abange, pabrinik kadi taluh kêkawa, puwuh teja, nga, sa, rwan candana 3 bidang, mrajah Tayà, [32b] amusti, sarilungid, bligo arum, marajah kdhi, pipis awor akna kabeh, mantrakna ring arêping sanggar kamulan, ma, ong bhùwana ku hyang kamulan, angreka bhùmi sajagat, gumi ratnà bhùwana, sakti sariraning janma manusà, kneng upas maya, nduh dadi muksah, byar apadhang, mala hning mtu mngà, tahapàkna. Tingkahing akaryya tambà, dampingin dhaksina, 1, den agnêp, màrthà 1700. Muwah yan hanà wwang agring kacacar, manangis tani karwan tagihà, tùr grah awaknya, mwang malaku-laku toya, puwuh api ring jro, nga, sa, bwah kelor macakcak, lêbokaknà ring toya, ika anggen ngêcêl awak agring, arapàkna wnang, yan kari ya agring, malih tambani, sa, don dausa gdhe, kayutawa, tingkih tambus, bawang matah, we [33a] ktan gajih, wdhakakna awaknya kabeh, malih maka bablonyohnya, sa, gamongan cnik, tingkih lanang tambus, lunak gêcêl àwaknya. Malih, sa, carmman poh ijo, gamongan cnik, bras bhang, katumbah, sêmbar ulun atinya. Malih, sa, carmman bungli, ckuh lanang, bras bhang, katumbah, sêmbaràkna ulun atinya.

Ta, yan àngrêdêk wtêngnya, muni tan pakalà, kudi ombaking sagarà, puwuh gni mayoggà, dadi puwuh sagarà, nga, sa, mbotan kanyuhnyuh, asaban kayu buntêk, pijêr, tahap.

Ta, yanya jrit-jrit, tùr angaduh-aduh, mwang lumaku, dakang brahmà ring jro, nga, sa, banyu lari, sara ingasab, anggen adyusin awang agring, arapàkna wnang, ma, [33b] sang kambang ajà sira anglaranin, angantukà, apan syanu pangawaking bhatàra Bayu, ora larà, 3. Muwah maka carunya, sa, sarwwa skar arum, gnahakna luhuring aturu.

Ta, yan hana wwang agring, tan mari anangis, tani karwwan sakitnia, tùr angaduh-aduh, jrit-jrit anagih-nagih toyà, puwuh api ring jro, nga, sa, sêmbung bangke, kasimbukan cmêng, pancarsonà, sami akahnya, nyuh tunu, bawang tambus, weh iragan ktan gajih, tahapàkna. Maka sêmbarnya, sa, babakan bungli, ron balingbing bêsi ne kuning, tingkih jêntung, ckuh lanang, bras bang, katumbah, sêmbaràkna ulun atinia.

Ta, puwuh mtu ring pusêr, sa, muñcuk dhapdhap ne macanggah, 3, alap makà tatêlu, tulis kayeki, ang [34a] ung mang, suba masurat, simbuhakna tlung kêprusan, ong lara angsêp bhùwana angsêp larà, tkà waras, sidi mandhi mantranku. Iti pamalik puwuh, mirah, mwang puwuh mangsi, sa, muñcuk dapdhap, amusti panjangnia, ngamêt maicêhan, ra, trasibang, bawang tambus, 9 bêsik, uyah uku, cakcak, prêsàring, tahapakna. Iti mantrania, ma, ong ah, 3, ptêng pulung, buddha buddhi, wudhwa wuwutar, ah sêp, 3, tingkahing akaryya, sêsantun dena gnêp, màrtha, 3127.

Ta, yan hana puwuh maningning putih, puwuh mirah, nga, sa, kapkap wwattha padha, 3 bidang, tabyabun, 3 bulih, mica gundil, 3 bulih, sami krusuk, yeh cukà tahun, ma, ong siwà nirmmalà swaha, wus minantran, [34b] arapin puwuh mirahe jugà, haywa ring ne lyan.

Ta, yania muningning putih rupania, tùr dumilah tejania kala wngi, puwuh wintên, nga, balikaknà dêna glis, eweh dahat, meh pjah wwang mangkana, tawarên dena glis, mwang wdakaknà sakalwiring pamari pùrnnaning dhakang, uncaraknà pangawruh ira kabeh. Iti mantrà pamùrnnaning dakang, ang ung mang, ong, haywa caweh, mwang haywa amajarang ring wwang lyan, tan siddhi phalania. Muwah hana puwuh sawiji, tan wruh wwang anukangin, kawruhaknà muñining wwang agring kacacar, jania kñat-kñat sakitnia, ring saåwwa sandhi, ika puwuh dhaka, nga, angênanin wwang ikà, iku angadak aken deyog, kabeh, sengkok, sahananing kepek, [35a] tumbuhnia ring sarwwa sandi, yan mêtu de sang anukangin, nora ya samangkana, sakàdi ring arêp. Yan wawu sakit karasà, kñat-kñat sakitnia, sembaraknà dena glis, sa, rwan dausahayà ne kuning, kuñit warangan, 3 ris, uyah uku, bawang adas, isin tingkih, ma, a, 3, sêmbarakna wnang.

Ta, puwuh dhaka, sa, akah jarak anom, cakcak prês dena brêsih, ra, sari kuning, arapàknà.

Ta, puwuh dhaka, sa, carmman kusambi, uyah, gula pinipis, kinla ring kawali wajà, rinajah cakrà, kinla ring arêping sanggar kamulan, sêsantun 1, gnêp, mârtha 700, mwang canang 2 tanding, màrtha 33, swang-swang, ma, ong sanghyang Tripurusà, angluwaranà [35b] lara-larà muksah ilang, tka waras, tlas. Dagingin wwe jruk masem, arapàknà. Muwah makà pangupine, sa, kapkap wwatnia padha, 3 bidang, tabya bun bungkut, 3 bulih, mica gundil, 7 bêsik, trikatukà. Yan masih agring, sa, lêngis tanusan, kulit pñu ginorang, lêngisnia anggen ngapunin larania, ma, tunggal kadi dumun. Iti mantrain, ta, sakaluiring puwuh dhaka, ma, ah sêp, 2, tlas. Yan arêp ngawtuwang puwuh dhaka, sa, katiwawalan nangka, umbin kayutawa, sanggawuk, 3 bêsik, yeh tbu malêm, mantrain sarin manobhawa. Idêp mtu lingsir wetan, luhuring manobhawa, pêhakna ring irungnia tngên. [36a] Ma, arêp ring wtêng, mngà mtu mngà, 3, tlas. Iti ngaran mantrà sarin manobhawa, phalanya tlas puwus ikà ne ring dalêm. Iki tngêrania puwuh dhakà, yania sampun mtu ring jaba, yania putih kadi apuh masawang gadhang, tuktuknia magatra gtih, iku tngêran puwuh dhakà, sampun mêdal, nga, tambania ikà kadi dumun tan len, tlas.

Ta, puwuh sindhu rajà, ring luwêd ati, sa, asaban tambagà, mirah tridhatu, lebokàkna ring toya ikà, ma, ong nitaya nama yaya tayà yaya mayà ya cintya yà maya, murub brahmà mati, angsêng lara wignàning janma manusà, ong swaha, tingkahing amantrà, amati bayu, toya ika inum mwang raupang, ta, puwuh [36b] sindhu rajà, magnah ring ampru, sa, krikan kawu nguda, weh tabu puwuh, uyah, mica 7 bêsik, yeh iragan ktan gajih, tahapàkna, mantrain sarin baya. Tngêrin puwuh ikà, yan hana wwang agring, grah awaknia, tùr malaku-laku toyà, ika tngêran puwuh sindhu rajà, ngênanin wwang ikà, nghing kari ring jro.

Ta, puwuh pagawen desti, yania udêp-udêp puwuh puwuhnya, sa, klapà ijo, ne sumambuh, akah payà puwuh, nyalin celeng aji keteng, aja mlaku imbuh, tahapàkna, wdhaknya, sa, don kwanji, tingkih, bawang, wdhakakna. Sêmbarnya, sa, kapkap ne wayah, ne ulung malingêb, winêjêk, asuh apang brêsih, isen, gamongan, padha pinarud, prês kutang bangkêtnia, we cukà, kinlà, wus ratêng, wdhakakna [37a] ring awaknya kabeh.

Ta, puwuh sukun, puwuh tambagà, ring jro, sa, kapkap wwata padha, 3 bidang, uyah uku, gulasari, yeh juwuk purut, pipis arapaknà, muwah maka inumnia, sa, akah pucuk putih, bungkil biu gdhang sabha, anwam, lunak tanêk, kêndhal batukà, wor kabeh, cakcak prêsàring, tahapàkna, wenya.

Ta, puwuh tambaga, sa, uyah madadah, kcirin yeh tombong, lepàknà.

Ta, yania bêsêh ring pranà, yan ring purus, sa, rwan bingin, tombong, ra, adas, arapàkna.

Ta, yania bêsêh ring bhagà, sa, bwah jêbug, trikatuka, weh widhuh bhang, pipis, arapàkna.

Ta, yania bêsêh sagnahnia, sa, don dausahayà ne kuning, isin tingkih, uyah uku, bawang adas [37b] sêmbarakna ring bêsêhnya, ma, nini calon.

Ta, bêsêh, sa, sambung-sambung, botor putih, komak putih, kunyit warangan, 3 ris, bras bang, cêkuh lanang, trikatukà, yeh cukà, wdhakakna ring bêsêhnya.

Ta, pangêcêl bêsêh, sa, antawali sacêngkang panjangnya, don tuju musnà, rwan tiying buluh, isen kapur, gamongan, kapkap tabya bun, tmutis, don dausà gdhe, lunak, yeh santên, aworin lêngis tanusan, kla ring kawali wajà, rinajah kayaki, ah, kla riarêping sanggar kamulan, ma, ong sah, sêmbar ring, trikatukà.

Ta, yania bêsêh ri sarwwa sandinia, sa, rwan tingulun, rwan tuju musnà, trikatukà, pipis, arap akna larania.

Lontar Usada Kacacar 38b – 47a

Ta, [38a] puwuh sajen wêsi, yania sakit sagnahnya, nghing nora yà bêsêh, puwuh sajen wêsi, nga, apan sakit nora bêsêh, sa, ckuh lanang, umbin sungsang, bras bang, adas, sêmbarakna larania. Yan masih yà agring, sa, gamongan, lênga wijen, adas, sembarakna larania, ma, ong candhe-candhe swahà, sang tang, ong bang. Iti tamba puwuh kangkà, yania sakit awaknia, tùr hbun ring sarwwa sandhinia, puwuh kangka ngaran, sa, isen kapur pêndhêm, pet untêngnia, antawali saguli panjangnya, bras bang 21 bêsik, gamongan cnik 3 ris, sembaràkna êbuhnya, yan masih agring, sa, don dausahayà ne kuning, 3 bidang, uyah [38b] uku, 3 bsik, bawang 3 ris, kunyit 3 ris, sêmbarakna ring bêsêhnya, yan masih agring, sa, don dausahayà ne kuning, don kamuning, trikatukà, 3 ris, sêmbarakna ring bêsêhnia, yan masih agring, sa, ckuh lanang, bras bang, sêmbarakna ring bêsêhnya, tlas.

Ta, yania bêsêh sagnahnia, sa, maswi, trikatukà pipis dena lêmbat, weh iduh bang, arapàkna ring bêsêhnya. Yan tan waras denia, wewehin tain sabatah kelor, trikatukà, pipis dena lêmbat, àrapàkna. Malih, sa, tain baduddhà, tri katukà, yeh cuka tahun, arapàkna, iti mantrania, ma, ong lara sakeng sunia, mulih saking sunia, lilà waras, 3.

Ta, lara nora [39a] bêsêh, sa, tain seksek, trikatukà, pipis, tampelàkna larania, ma, tka rêp sirêp, 3, ong sang sùksmà, tayà, dadi pùrnna ilang, tkà waras, 3, asing sranà wnang mantrà iki anggen, ta, kacacar, yan pati barongkol awaknia, puwuh dhakang, nga, sa, akah jarak anom, pinrêsàring dena brêsih, ra, sari kuning, ma, ong bagandha bhùwanà, tunggal, purus dà bhùwana tunggal, manunggal, 3, dewa bhùtà angupasanà manusà, dewa bhùtà anawar manusà, tka lwar, 3. Sahamaning tambà, puwuh kangkà, mantrà ika anggen ngamantrain wnang, saha dhaksina, 1, dena gnêp, màrtha 1700.

Ta, pangêgêr puwuh, yania swe tan wtu, sa, [39b] akah bêsar, akah pucuk putih, yeh iragan ktan gajih, tahapàkna, ma, ong gupani, kakiyah, talu tawar.

Ta, kacacar, maka pañahak puwuh, sa, asaban candana, gamongan cnik, wdakakna awaknia kabeh, phalanià sahak denya.

Ta, puwuh suwe tan mtu, sa, bwah dalimà putih, ne wayah, tombong, katimun gantung, bligo arùm, gulapasir, gulabatu, kinla ring kawali wajà, sêsantun gnêp, màrtha 700, mantrania sarin manobhawà, uwus ratêng, tahapàkna.

Ta, kacacar, pangêtak puwuh ring jro, apang glis wtu ring jabainang, sa, bwah dalima putih ne wayah, bwah katimun, akah slagwi, bawang tambus [40a] tahap akna.

Ta, pangêtak puwuh ring jro wtêng, sa, bêsar sakamulan, weh ktan gajih, tahap.

Ta, pangêtak puwuh ring jro, sa, akah kanangga, akah kendhal batuka, bawang tambus, pijêr, we bras putih, tahapàkna.

Ta, yania mamêngka wtêngnya, puwuh balulang, nga, sa, rwan adas, bawang, sêmbarakna wtêngnya. Malih, sa, kapkap wattha padha, bawang adas, sêmbar awaknya kabeh. Maka inumnya, sa, akah bêsar, lunak tanêk, yeh aruman ktan gajih, bawang tambus, tahapàkna. Malih, sa, klapa ijo, lunak tanêk, wandhawa, bawang tambus, tahap. Iti mantrania, ma, kaki niscalà, nini niscalà ingsun anjaluk tetamban kacacar.

Ta, puwuh, [40b] balulang, sa, rwan balimbing bêsi ne kuning, rwan tinga-tingà, bawang adas, sembaràna wtêngnia.

Ta, puwuh balulang, sa, santen klapa ijo, gula pasir, tahap aknà. Muwah arap wangkongnia, sa, akah kasimbukan cmêng, êmpol pandhan, bawang adas, arapàkna, ta, puwuh rare, sa, isen mrajah Taya, mwang maswi marajah Tayà amusti, ma, ong suksmà Tayà bhatàra Tayà, anglêbur wisya, tan mandi ring janma manusa, Ong siwa nirmmalà swahà.

Ta, yania dlu-dlu, puwuh ulad-alid ring jro, nga, sa, kapkap wattha padha, tabya bun, pipis, kcirin wwe jruk linglang, arapakna ring kakolonganya.

Ta, yania dlu-dlu, mwang tan kawasa amangan, sa, bangsing [41a] bingin, akah kananggà, yeh ktan gajih, lunak, tahapàkna.

Ta, tan kawasa mangan, sa, akah pakuaji, tmutis, nyuh tunu, aturakna dumun ring bhatàra sùryya, ma, ong buddha mangamuk ring jro wtênge syanu, kawon dening sanghyang Tayà, tahapakna.

Ta, tan kawasa mangan, sa, akah pule, akah slagwi, akah kananggà, tataiwàk, yeh ktan gajih, ra, adas, ginten, 7 bêsik, tahapàkna.

Ta, tan kawasa mangan, sa, carmman kanangga, akah kasimbukan, akah kapaspasan, lunak matuna, tmutis, gula manggalà, yanora gula manggalà, gulapasir wnang, dwi santên kane, tahapàknà.[41b]

Ta, kacacar, yan mapindha srêt muñinya, sa, empol kañuhñuh, bawang adas, pipis dena lêmbat, wangwangaknà kakolonganya, malih maka inumnya, sa, bulung dhaya, gulasari, sarikuning, timakna, wus ratêng, tahap.

Ta, kacacar, yania sangket tangan sukunya, sa, apuh bubuk, pipis olesakna, ring laranya.

Ta, kacacar, yan bêtêg, sa, slagwi, bayêm lalahan, akah sempol, akah paku jukut, wdhakakna laranya.

Ta, wdhak talapakan suku, sa, apuh bubuk, [42a] we limo, arapakna, ang ung mang, ong, ring idêp, sa, saka wnang mantràkna.

Ta, angising manah gtih, sa, bun sanggalangit, pipis, we bañu tuli, ma, ong brahma hêp dening wisnu, waras siddhi mantranku, tahapaknà. Malih, sa, gtih angsana, tahapakna. Malih, sa, babakan tinghulun, katumbah, ra, mñan madhu, arapàkna, ring siksikanya, mantraniya tunggal kadi dumun. Yan masi ya agring, sa, kasinen sakawwit, lublub tuwi putih, carmman àbas, lublub buni tai, ra, bawang tambus, yeh iragan ktan gajih, inum wnang, pêhakna wnang. Malih antiganing satà añar, talinin ring lawe tridhatu, pêndhêm ring arêping sanggar kamulan, ma, brahmà hêp dening Wisnu, [42b] waras, sisi mantranku, taluh ika panganakna.

Ta, wangkong larà, sa, akah tawum, kuñit warangan, adas, pipis arapàkna.

Ta, puwuh êngsêl ring wangkong, nghing ring jroning wangkong, yania lêmêt wangkongnya, mwang sukunya, puwuh dhaka, nga, sa, bras bang, bangle, trikatukà, katumbah, sêmbar ri gnahing laranya.

Ta, yan wangkong lara, mwang ring ulun ati, mtu rah saking silit, mwang ring cangkêm, sa, rwan kasinen, tanah tunggak, ampo, gintên cmêng, gula, sarilungid, pipis, saring patinya, tahap.

Ta, puwuh tan kawasà mamuñcuk, mwang twara dadi malêtis, sa, atin bawi katut ñalinya, kuwud ñuh ñambulung, kinrik, patinya [43a] tahap, ta, puwuh apang kwasa malêtis, sa, carmman kananggà, wwe bras bang, pipis, prêsàring, ma, ong rah mtu rah, dadi kedep mandhi mantranku, sêmbar.

Ta, yania tan kawasa manguyuh, sa, akah pucuk putih, akah gandhola putih, akah katang-katang putih, tombong pinanggang, bawang tambus, yeh iragan ktan gajih, tahapakna. Muwah arap wangkongnya, sa, isin tingkih, buyung-buyung putih, bawang adas, pipis, arapàkna ring wangkongnya.

Ta, yania ngêd, sa, lunak tanêk, dapdhap 3 muncuk, ngalap haywa katngaban, bras barak, bawang tambus, pipisàring, tahap.

Ta, sakit basangnya, tùr bêsêh, mwang êmbêt, sa, rwan dausahaya [43b] ra, lungid, katumbah, bawang adas, isin tingkih, uyah, sembarakna wtêngnya.

Ta, kacacar, yania mamjên, sa, muñcuk kasimbukan 3 muncuk, kunir warangan 3 ris, adas, pipis dena lembat, arapàkna wangkongnya, tkaning siksikanya.

Ta, yan sakit basangnya, amulir-mulir, maidehan, puwuh lombà-lombà, nga, sa, liligundhi, kelor, mica, padha 5 muncuk, kasuna 5 ris, wwe wåak tahun, wus ratêng, tahap.

Ta, yaning larà wtêngnya, sakalwiring lara ring wtêng, sa, babakan kêndal batuka, bungkil byu gdhang saba, akah jruju, akah paya puwuh, lunak tanêk, tahapàkna, ma, ong lara tkà saking tananà, muksah saking tanana, waras. [44a]

Ta, kacacar, yania uyang, sa, katimun, bligo, sami makuskus, pet yehnya, sêmbaràkna awaknya kabeh.

Ta, kacacar, yania uyang, sa, akah pucuk putih, babakan kêndal batukà, bungkil byu gadhang saba, pipis kabeh, patinya tahap. Malih sêmbar kacacar, nghing yania wawu glêm, yania ngliyêp, drêsan anggen ñêmbar, yen manguyang, batun katimune anggen ñêmbar. Malih, ta, maka pangêtak puwuh ring jro dalêm, apang glis mtu, sa, akah kêndal batukà, tuwak manis, tahapakna, ma, ong tungtung wewehan, aja sira suwe ring jro wtênge sianu, mtu sirà ring jabà, tkà hêp.

Ta, kacacar, yania mapinda [44b] uyang awaknya, sa, kananggà, kêndal batukà, sami babakanya, umbin kayutawa, jaruju sakawit, bungkil byu gdhang sabha, pipis prêsàring, pet bañunya, anggen ñêmbar awaknya kabeh. Muwah yan hana wwang agring pulês, yan kreyak kreyok wtêngnya, puwuh linggà, puwuh badak ring jro, nga, sa, babakan pule binakar, gintên cmêng, sembaràkna ulun atinya.

Ta, yania dkah, sa, slaguwi, pucuk putih, bayêm lalahan, sami akahnya, tombong, yeh ktan gajih, ra, pijêr, bawang tambus, tahapàkna.

Ta, yan mawatuk, sa, iragan ktan gajih, srà barak, yeh santên, tahapàkna. [45a]

Ta, yania langu, sa, jruk linglang, srà udang, lêngis, susukna.

Ta kacacar, yania langu wawu glêm, sa, tain sabatah, isen pinanggang, sembaraknà ring gidatnya mwang ring tuwêd bawongnya.

Ta, puwuh manining, apucak biru, dadu ring pulà, puwuh gni, nga, yan manining abhang masawang daki, puwuh tambagà, nga, yania badêng sada kakah, puwuh mangsi, nga. Muwah yania padah, tùr pabarênik matbêl, puwuh suku, nga, haywa ñiramin yeh tabah, yan siramin yeh tabah, dadi ya blah-blah, sembarakna dening yeh ñuh sai-sai, maka panginumnya, sa, yeh klungah, ika jugà ingangge, muwah yan kadi pepai warnnanya, agöng aslat abêrênik, dakang pepai, nga, sa, kapkap, 3 [45b] bidang, gamongan, umbin badung, bras bang, kulit jruk purut, pipis, sembarakna wnang, arapakna wnang. Malih yania bêsêh ring sarwwa sandhinya, sa, candhana, maswi, sêmbaraknà. Muwah yania puwuh gagak, mwang puwuh nagà, sa, umbin sungsang, colekin ring gnahing puwuh alà.

Ta, puwuh têbêl, sa, paya puwuh, sanggawuk, 3 bêsik, katumbah 3 bêsik, santên kane inum.

Ta, tan arêp àmangan, yania manlu, sa, tmutis, akah pule, ñuh tunu, katumbah, sêmbar ulun atinya.

Ta, kacacar, yania srêt, tan kawasa nginum tamba, sa, katimun, uku, umbin kayu tawa, ñuh matunu, sami makikih, ra, bawang tambus, prês sàring, tahapakna. [46a] ta, puwuh pusuh, nora kwasa ngêñcêh, yan arêp ngêñcêhang, sa, liman cêcêk, supit waru, tabya bun bungkut, babungutin laranya. Yan sampunya ngêñcêh, raris sêmbar, sa, ahà adêm, rwan kacêmcêm, rwan kwang, rwan nagkà, isen pinarud, , sinanga, sembarakna.

Ta, puwuh masar slêm, sa, bungan dausakling, bungan talês, pipis denà lembat, olesin ring gnahing laranya.

Ta, yan malêtus dadu rupanya, muncuknya masawang awu, puwuh api, nga, sa, kacang ijo, 11 bêsik, kapkap wattha padha, 3 bidang, tabya bun bungkut 3 bulih, dagingin êndut, pipis urapaknà ring laranya.

Ta, yan irêng masawang biru, [46b] malêtus, puwuh katkulan, nga, sa, kilitan madat, trikatukà, pipis wwe idu bang, olesakna. Nihan tingkahing gring kacacar, lwirnya, yan kêbus awaknya, puwuh rattha mtu, kebus awaknya tan maren, satatà anagih toya, tkaning rwa pasar, tan maren panes awaknya, ika tngêran puwuh alà, tana tlas mijil maring garbha, yan tan wikan sang angusadanin, pjah juga wwang ika. Apa karananya pjah, tan liyan puwuh api, puwuh kekarangan, puwuh miñak, puwuh taruna, puwuh lingga, puwuh mirah, puwuh tanah, puwuh maya, puwuh sasab. Saatag asing asusnya ring jro, ika karananya mati, sa, yeh ñuh bulan, ne aking, kikih, [47a] pet santên kanenya, dagingin ñalin syap biying, asaban ktan bang, ika sami ingasab, gulapasir, gulasari, ra, sarin nagasari, tahapakna, mantrain antuk pujà srawe, dhaksina, 1, gnêp màrtha 1700, canang 3 tanding, buratwangi lêngawangi, màrtha 11 swang-swang.

Ta, kacacar, knà tiwang, sa, rwan majagawu, jêbugàrum, candhana, sêmbaraknà awaknya kabeh, maka inumnya, sa, rwan candhana, trikatukà, we cuka, pipis, pinrêsàring, inum, ma, ong sang pular palir, mtu ring jabainang, dadi kita puwuh syah.

Lontar Usada Kacacar 47b – 57b

Ta, kacacar yan tis awaknya, tùr pulês, puwuhnya tumbuh arang, puwuh sunya, nga, ika [47b] angajar akên pati, apan sanghyang bayu, anglis moksah, ika tan wênang tambanin. Muwah yan hanà wwang kna gring kacacar, yan mêtu puwuhnya, awasàknà dena pdhas, yan hana puwuh mêtu, kadi batun siliaya, slêm tùr makdep, puwuh wilalêr, nga, ika puwuh tan wênang tambanin, yan kukuh sang anukangin, yania urip wwang ikà, sang anukangin tan wangde ya pjah, muwah yania kari adrêwe meme bapa, pinalih tunggal, ika ya wnang añêpsêp puwuh ikà, yania norà adrêwe meme mwang bapa pinalih tunggal, pjah jugà wwang ikà, kna gring mangkana, aja anambanin, mapwara cêndêk tuwuh sang anukangin, wnang mundur sang anukangin, ika tngêran wwang [48a] kàmbil, mantuk ring swargga buddha layà, mangkana kajaring sàstra iki.

Ta, puwuh kadat mêtu, sa, tbu cmêng, tbu malêm, madhu, gulapasir, kinlà, tahapàknà, mantran pangêgêr puwuh anggen ngamantranin.

Ta, mamowah puwuh, lamakane glis malêtis, glis mañakar, sa, umbin kayu tawa, carmman poh ijo, tombong, mwang katumbah, sanggawuk, ganti, padha 11 bêsik, pipis, bangkêtnya anggen ñêmbar awaknya kabeh. Nihan tingkahing wwang kacacar, riwawu mtu puwuh, sa, isen, gamongan, padha ma 3 ris, trikatuka 7 ris, uyah, sêmbaraknà awaknya kabeh, wus masêmbar, malih awasàkna den prêyatnà, yan karasà [48b] ala, sa, bungkak samsam, trikatukà, wdhakakna, yania pulês mañrit makabkaban, puwuh kumandhang, nga , sa, dedes, basmakna. Muwah yan hana wwang knà gring kacacar, yania mangling, ring sarwwa sandhinya sakit pakañêdñêd, yania tumbuh puwuhnya ring jabà, yania nglujuh mabêngkil, puwuh balung, nga, puwuh baligo, puwuh dhaka, ikà pacang mtu, den prayatna sang anukangin, lêkasnya patùt, macaya tunggal, idhêp mtu ring bayu, tingkahe puwuh ikà, yania sampun mtu, yan abang sada gading, kadi taluh kêkawa, puwuh jaran, nga, yania slêm maswat putih, manlakukuh, tan padidih, puwuh lomba-lombà, nga, yania putih sada gading, kadi [49a] bwah kaleapuh, puwuh taruna, nga, sa, isindrong dena gnêp, sêmbaràkna. Yania pajêmporot, puwuh tumbisi, nga, sa, akah manori, kulit juwuk purut, trikatuka, lêngis tanusan, madhadhah, wdhakaknà. Yania mtu ring mata, puwuh naga, nga, sa, jêbugàrum, kasuna jangu, sêmbaraknà. Yania gdhuh-gdhuh sakitnya, mtu dadi puwuh besi, nga, sa, kuñit, jêbugarum, katumbah, sêmbaraknà. Yaning panês mañrat, tong dadi maglêkan, puwuh bungha, nga, ika dadi puwuh mangsi, nga, sa, lunak pinanggang, bawang tambus, ñuh, nghing dhadhahin, wangwangaknà wwang agring ika.

Ta, puwuh mtu ring irung, ring netra, ring karnnà, sa, kapkap [49b] wattha padha, jebugarum, êngkahin ping 3, ma, ong mung ra hyang..

Ta, puwuh baligo, sa, gamongan, isen kapur, bras bang, katumbah, trikatukà, sêmbaraknà.

Ta, kacacar, yania patrêbês, wus angêndhas, sa, kapkap watnya padha 3 bidang, trikatukà, katumbah aji 1 bidang, sembarakna. Iti mantran pañahak, ma, ong sato sapa dewà, dewa lumaku tunà liwat, dewa uli di majàpahit, ican ida puwuh katumbah, tkà byar apadhang, tka sahak, 3. Nihan tingkahing wwang agring kacacar, maka prêcarunya, pinakà panglangah puwuh, ri wawu mdal puwuhnya, irika sirà anggawe sanggah [50a] cukcuk, madaging sujang, misi twak aneh, yeh aneh, candhigà, sampyan, gnêp saupakara ning sanggah, bêbantênya, tumpêng putih kuning, maiwak gadagan pinecel, mawadah tangkih, sambêl gamongan, jangan dapdap, sami mawadah tangkih, mwang canang gantal, 1, canang buratwangi lêngawangi 3 tanding, ma, sira kabubuhan kacacar, sira bhùtà kalà orahan, mutah ahêr, sira bhùtà rarêmik, sira bhùtà mlayu, dakang wêsi, singnya dakag kêkarangan, ya mawayangin dhakang, mandadi kita dhakang mancawarnnà, pun walandhà memaliknàdhi dáakang nasi, dadi dhakang sanggawuk, maka padyusnya, sa, toya mawadah jun añar, ma, [50b] ong gathha gatra, gatri-gatri, mantra-mantrà, mantri-mantri, aku sanghyang brahmà di batu ringgit, wus amantrà, dyusakna wwang agring, tlas. Riwawu angêntêgang, glaràknà ikà. Malih caruning tbenan wwang agring aturu, nasi bras bang mapulung, mbe bawang, base porosan, gnahaknà ring tbenan wwang agring aturu. Yan sampun puput munggah sari ikang puwuh, raris linggihang, sa, sanggah cukcuk, madaging sujang, misi twak aneh, yeh aneh, mwang sampyan canigà, tamcêbaknà ring lêbuh ring arêping lawang, bêbantênya ne munggah ring sanggar, tumpêng roro putih kuning, maiwak pcel gadagan, jangan dapdap, sambêl gamongan, peñcok kacang, [51a] ijo, mwang canang, buratwangi, lêngawangi 3 tanding, dhaksinà 1, ika ne munggah ring sanggar, mwang ne ring sor, dhaksina 1, màrtha 170, gnêp saupakaraning sêsantun, mwang pras ajêngan, anaman, tulung sêsayut, rantasan saprêdêg. Yan wus àngantêb kabeh, sêsantun ika mwang rantasàne, anamane mataluh bêsikan, pasucian, ne ring saring sanggah ikà, gnahaknà ring luhuring wwang agring aturu. Bêbantenane ring sanggah ikà, mwang dhaksinane, irika jugà gnahnya, dinganggetin ne surud mantrà ngaturang bantên, panglinggihan, ma, pukulun sanghyang dùrbhali, sira sang bhùtà ranggà urêhan, kaki sang bhùtà karimpus, [51b] sira tà katigà wisesà, panguluning gring kacacar, angungguhaknà manusa nira punanu, katiban dakang, inutus denira bhatàrà buddha, hana sarining tumpêng roro, iwak gadagan, sambêl gamongan, jangan dhapdhap, peñcok kacang ijo, sajêng maring sujang, ika ganjaranira hamêt, wus sirà amangan anginum, gentosàkna wisyà ne syanu, tunggunen manusà gring kacacar, haywa lali, tka pùrnna, 3, tlas. Iti mantran sgêhan, ih sira sang bhùtà ulung ngalung, iti bukti sajinirà, yan sàmpun puput tlung kajêng, raris anggetin ring pakayêhan. Iti mantran nganggetin, sa, yeh candhana, wus àmantrà, siratin wwang agring, [52a] dening muncuk ambêngan 3 katih, matali bnang putih 3 ilêh, mwang bnang ika ilêhaknà ring siwadwaraning wwang agring, 3 ilêh, ma, ong amrêttha sarirà suddhamam namà swahà. Wus mangkana raris anggetin, pandhan panganggetan 3 tugêl, marajah sastrà iki, mang ring ati, ung maring ragà, ang ring suku. Ma, pukulun sanghyang jagat natha, mangke syanu anganggetin, kaslehan dening bhatàrà sùryya candrà, kahinganan bhatàra ganggà, mlayu kang malane syanu, ong siwa mrêttha ya nama swaha, ong ganggà mrêttha ya namà swaha. Wus mangkana, iki mantrà anglarakên pandhan ring ragà, wwang agring, ma, ong mang iswarà sarirà mrêttha suddha ya namah swahà, ring ati, ong ung wisnu mrêttha sarira [52b] suddha ya nama swaha, ring ragà, ong ang brahmà mrêttha sarirà suddhà ya nama swahà, ring suku. Iti mantrà pamrêlinan bhatàra buddha, mwang sanghyang bhùtà tiga wisesà, ma, ong dùrgga tayà jagat nàtha, moksah sarira dewatà swargga siwa laya, dewi sri dewi dewà sapurnnam. Pukulun sanghyang bhùtà tiga sakti, panguluning gring kacacar, mantuk ring kayanganirà ring swarggà siwa layà, ong sarwwa bhùtà byo swahà. Wus mangkana, iti pangantêb bêbantênya, ma, pukulun hyang dhùrbhali, sang bhùtà ranggà urahan, kaki sang bhùtà karimpus, iti panyambrama nirà punanu, sàmpun anganggetin, angaturakên sarapet, sarining [53a] tumpêng roro, maiwak gadagan pinêcêl, sambêl gamongan, jangan dapdhap, pêñcok kacang ijo, sajêng ri sujamg, hana maka duluran ipun, sarining pras ajêngan, sarining laklak tape, sarining anaman, sarining dhaksinà, wus ira amangan anginum, mantuk kità ring swarggà hyang buddha laya, haywa sira malih angêpok manusanirà punanu, tkà pùrnna, tkà lwar, 3. Bêbantênya, sakadi ne ring mantra ikà, haywà ngiwangin. Yania adyus ring tukad, bêbantênia, tumpeng roro, putih kuning, mwang canang, 1, majinah, a. Ma, pukulun paduka bhatàrà winùu, ingkene sirà anglungguh, sanghyang air mili naman padhuka bhatàra, lah atangyaà ta sirà, hana makà [53b] aturan ingsun, hana ganjaran sirà, manusan paduka bhatàra, mangkin anganggetin, adyus ring padhuka bhatàra, gêntosakna wisyàne ring awak sariran ipun. Wawu rawuh ring tukad, sira adyus, durung anganggetin. Iti mantrà ngayab sêsantun, ma, ong sùksma mtu, tkà jnêk ring sariraningsun. Ngayab asêp, ma, ong brahmà nama siwa yà, ang dewa kàla sakti, ya nama swahà, maha mowani sañcaya ya we namà siwa yà raris ayabin asêp wwang agring wus angaggetin. Iti mantran ngayab bantên, ma, ong sanghyang raditya wulan lintang trangganà, nguni weh sang rumiaksà, mwang wêngi [54a] sira pinakà saksining manusà, nira sininggahan kabayà sangkalà, sampun anganggetin, ingêtaknà, mangde sampun kaping kalihan. Mantran angayab pras, ma, kaki dhakang, nini dakang, aja sirà ring awake punanu, iti panbasanya tkà lwar, 3. Muwah malih mantrà, ma, ong suddha suddhà parisuddha, suddhanmalà lara ronggà, tkà pùrnna waluya jati, prêsuddha ya namà swahà, tlas. Nanghing ring bhatàra sùryya sira asaksi pilih dumun. Wus ring bhatàra sùrrya ring sang bhùtà tigà wisesà, mangkana kengêtaknà, tlas.

Nihan pretekaning gring kacacar, apanga twara mtu pangadwan, di nganggetane, karyyanang [54b] tambà, sa, pakujukut, tampak liman, sikukundhan, paya puwuh, kayutawa, sami akahnya pipis, prêsàring, yeh bras putih, yeh jruk linglang, sari lungid, bawang tambus, ma, ong bujiku, buddha buddhiku, waha wah, 3, rêp syà mtu, 3, tlas.

Ta, pangadwan, sa, tingkih jêntung, 1, kacang putih 2, katumbah 2, sami ñahñah, ma, lamun tumbuh ta sira dini, tumbuh pangadwane syanu, lamun twara tumbuh sarat dini, twara tumbuh pangadwane syanu, jöng. Sa, rarajahan pinendhêm ring capcapan, gnahing wwang agring aturu, rêrajahanya marùpa kadhi.

Ta, pangadwan, sa, don dausahayà ne kuning, kuñit warangan 3 ris, bawang [55a] 3 ris, uyah, sêmbaràkna, laranya.

Ta, pangadwan, sa, jaruju, pakujukut, paiduh, katêpêng, sami akahnya, pipis, we bañun iñjin, bawang, ñuh, kinlari ring kawali rajà, wus ratêng, tahapakna.

Ta, pangadwan, yan bêsêh sarwwa sandhinya, sa, tmu konci, kuñit, warangan, maswi, sêsêb kabeh, dagingin tasik, sêmbaràknà ring gnahing bêsêhnya. Malih maka inumnya, sa, tbu malêm, baligo arum, silagwi, umbin kayutawa, adas, pipis prêsàring, tahap. Malih yania bêsêh sarwwa sandinyà, sa, rwan dausàhayà ne kuning, kuñit warangan, isen, maswi, sêsêb [55b] kabeh, aworin uyah mañahñah, sêmbaraknà. Malih, ta, bêsêh pangadwan, sa, carmman poh ijo, maswi, isen, sêsêb kabeh, uyah sinanga, sêmbaràknà. Malih, sa, rwaning baligo arum, basà wangen, pipis dena lembat, asing bêsêh wdhakaknà. Malih, sa, kapkap, rwan lempni putih, rwan kambo-kambo, maswi, isen, pipis dena lembat, urapaknà bêsêhnya. Muwah yania ñarêm ikang puwuh, mwang pangadwan, sakalwiring ñarêm kacacar, sa, babakan poh ijo, maswi, isen, katumbah, bras bang, padha sinangà, pipis dena lembat, [56a] bêbêhakna ring ñarêmnya. Malih, sa, lêmpni sakamulan, babakan kacêmcêm putih, maswi, isen, katumbah, bras bang, padha sinangà, pipis dena lembat, bêbêhaknà ring ñarêmnya. Malih, sa, isen kapùr, maswi, bras bang, padha sinangà, pipis dena lembat, bêbêhaknà asing ñarêm. Malih, sa, rwan paku ñarêm, katumbah babolong, isen, padha mañahñah, pipis dena lembat, bêbêhakna asing ñarêm, sinanga, nga, mañahñah.

Ta, kacacar, apang twara mtu pangadwan, dinganggete, karyyanang tambà, sa, isen, glagah, ambêngan, sami tajinya, paspasan, padhang blulang, sami akahnya, kapkap 3 [56b] bidang, umbin kayutawà, kuñit warangan, baligo arum, têbu malêm, padha 3 ris, pipis kabeh, aworin uyah uku, prêsaring, tahapàknà.

Ta, pangadwan, sa, don dausàhayà ne brêk, ngamêt aja nglawatin, isen, 3 ris, rinajah kayeki tiru , wus marajah maka 3 ris, pipis sami, dena lembat, olesàknà dening bulun syap. Ma, salwiring tambà kacacar, ong sanghyang bagañca jnêngana, ikà weh tamba, tkà bhatàra guru, anambanin, tkà waras, 3. Iti kêkambuh tungguh, gnahang ring pkir, madhaging padmà, ma, ong siwa, saddha siwa, paramà siwa, yan kambuh siwà, saddhà [57a] siwa, paramà siwà, kambuh syanu, yan tan kambuh siwà, saddha siwa, parama siwà, tan kambuh syanu, tan kêneng kasampêhan, kaungkulan, tka kêdep siddhi mandi mantranku, 3. Malih kekambuh tungguh, rêrajahan ring pkir, ma, ong siwa, saddha siwà, paramà siwà, manusanira añjaluk kêkambah, kaya iki, ong ah, cà, ya, bhùtà ya namah, 3. Nihan waneh, yan wong kambuh kacacar, yan ring dhadha, yan ring gigir, yan ring wtêng, yan ring ring lambung, yan ring tangan, yan ring [57b] suku, asing kalaran, sêmbar ika anggên ñêmbar, sa, don dausahayà ne kuning, 3 bidang, kuñit, bawang, padha 3 ris, dagingin uyah, tan pamantrà, asing larà sêmbaràkna.

Lontar Usada Kacacar 58a – 63a

Nihan tingkahing kacacar, yan praptà ikang gring kacacar, kamranan akeh mati, sa, sanggah tatwan, mapenjor pring buluh gadhing, nghing akatih ne agöng ne pañjang, kari kàtùt donya, pring ika marajah gana mùrtthi, maawak gni anglayang, yan wus marajah, sa, suci asoroh, dhaksinà 1, pras 1, gnêp saupakaraning suci, suci ika unggahaknà ring sanggar tatwan ikà, mwang duluranya sami munggah, sanggah ikà wnang gnahang ring pusêh, ring desa, ika kmit sai-sai, aturin sarwwa bantên. [58a] dening manusà padha, wwang durung kacacar, padha bhaktya ring rarekan bhatàra ganà ikà, kukundhanganirà, ma, ong indhah ta kamu bhatàra ganà, tulung manusanirà katiban lara kacacar, uripàknà manusan hulun, sa, ba, ta, a, i, na, ma, si, wa, ya, tlas. Iti sêsayut gring kamranan, akeh mati, yania nuju sasih kalima, kanêm, kapitu, kaulu, kasanga. Yan mangkana panangkaning agring kacacar, phalanya pùrnna denya. Wnang sira añujukakên sanggah cukcuk pring gadhing, marajah cintya, mwang sanjatà nawasangà, salimpêt limà, mwang salimpêt tlu, sangkan para. Sanggah ikà gnahakna ring lawang kiwà, malamak busung, luhurnya pandan, palawanya myanà [58b] cmêng, aneh, dausakling aneh, ring luhuring sanggah, don kayu tulak, bêbantênya, sgà sapnêk, iwaknya kuning taluh, mwang kacang komak, mwang canang atanding, malih sgêhan ring sor, sa, nasi akêpêl, uyah arêng, mwang canang 1, mwang dulurannya sgêhan pañacak 5 tanding, bantênin sai-sai. Iti sêsapannya, ma, ra kaki byasalà, ra nini byasali, ra kaki morosi, ra nini morosi, aja sira maparêk ring hulun, ring anak putu rabininghulun, mangkat kità mari ngayah, jamur jipang pêparantà, apan gurunmu hana ring kono, gurunmu anguru ring aku, lah pomà, ayo lali, ong bhùtà mang mang [59a] kàla mang mang, mang mang sarwwa dùrgga dùrjjana, ih nini bhagawatthi, kaki bhatàra kàla, i bhùtà abang, i bhùtà putih, i bhùtà irêng, aja sirà amilara anak putu rabiningsun, iti sanghyang cintya mùrtthi ngadêg, ring awaku, sing tkà dùrggà kala nêmbah, tka rêp sirêp, 3. [59b]

Iti tatulak gring kacacar, mwang kamranan, akeh mati, sa, sanggah cukcuk pring gadhing, marajah Tayà, mwang sanjatà nawasanghà, salimpêt tlu, mwang hêlêr tunggang mnêng, sangkanpara, palawanya kayu tulak, myana cmêng, lamaknya pandhan, mwang busung, bêbantênya sgà kuning dwang pulung, iwaknya sarin taluh bebek, kacang komak, sudang sêsaur, canang atanding, tigang dinà bantênin sanggah ikà wusan tigang dina, malih bantênin sgà sakêpêl, uyah arêng, ika bêbantênya sai-sai, abulan pitung dina, sêngkêrnya, tigang bulan kawasà, ma, ong sanghyang Tayà ta ngaranku ring bhùwana kabeh, apan aku uriping jagat, uriping dewa manusà, uriping sarwwà mambêkan, uriping [60a] bayu sabdha idêp, ong ong sarwwà dùrggà dùrggi, byoh dhurattha, tlas. Iti tingkahing katibanan gring kacacar, anggawe sanggah cukcuk, asuku tunggal,1, gnahaknà ring sampining lawang tngên, maka bêbantênnya tumpeng angêt-angêtan, iwaknya pêlas ñuh, jangan ranti, sambêlnya tan patrasi, sanggah ikà madaging sujang, ne ring kiwà, madaging twak, ne ring tngên madaging yeh, macanigà bungan pucuk, wus kàtur upakaranya sampun sande, muwah bêbantên ring lêbah, bubuh suyuk, asusuguh ring lêbuh, maduluran bras pipis yan sampun wngi, raris obor-oborin umahnya, laju ring marggà agung, raris binuncal ikang sundih, [60b] ring marggà agung. Iti mantran mnekang bantên ring sanggah cucuk, ma, kaki bhutà siwa gni, nini bhùtà siwa gni, bapà bhùtà siwa gni, kita kinen denira bhatàrà bhuddha, angungguhang manusanirà katiban dakang, aja sira lali sahinge, salah ulah, yan hana sahalaning dakang, sira anambanin, lah pomà, 3. Yan ganggetin talêr mantrà iki angge, riwawu mnekang bantên ring sanggah, ma, kaki bhùtà siwà gni, nini bhùtà siwa gni, bapà bhùtà siwa gni, kita kinen denira bhatàrà buddha, angungguhang manusanirà, pamantuka sirà ring buddha layà, manusanirà sàmpun anganggetin, haywa sira [61a] anggêpok malih, poma, tka lwar, 3. Malih mantran mabantên ring lêbah, sa, nasi akêpêl, mebe urab barak urab putih, muwang urab gtih, ma, kaki anglaranin ingsun kawruhà ring larania, kiotet ogel, ki pukang, kimarit, ki gtih, ki uyup, iti ganjaranirà hamet, tkà pùrnnà, 3. Yan sàmpun tutug tlunh kajêng, wnang anggetin ring pakayêhan, upakaranya kadi dumun, mwang mantranya talêr patêh, wawu rawuh ring tukad, memantrà majati ring toyà dumun, wus amantrà, raris salud toya ikà, antuk tambang, yadin batil wnang, sangku wnang, raris dyusin wwang agring kacacar, ring tlenging banyu, sane mili [61b], yan sàmpun wusan anganggetin, raris lukatàknà wwang ikà antuk toya ika, ne mawadah tambang, ma, ong banyu malà ring ragà, yan hana alaning ragà aku angilangakên, yan hana talatohing ragà, aku amrêsihin, bhatàra asung bayu, saka sanggà dening bhatàrà bhatàra amtokàkên puwuh, apan aku bhatàra kàlà wastu, aku bhatàri kàla wastu, puwuh aku bhatàra kàla wastu, angungkulin tan kaungkulan, lumaku tan kawayangan, angilangaknà lara rogà witrama prêmalà, muksah, 3, tlas. Muwah pamarisuddha wongkna gring kacacar, sa, toya añar, mawadah payuk añar, yadyan sibah wnang, tan mari [62a] sêsantun, dena gnêp, maduluran canang, 1, gnahaknà ring luhuring sêsantun, maka kasidyaning amantrà, phalanya lukat denia ikang puwuh alà, mwang sahalaning awak, makà panabdab puwuh, nga, mantranya tunggal kadi mantran panglukatan panganggetane kadi dumun.

Iti paninton gring kacacar, trapàknà riwawu glêmnya, sa, payuk añar, madaging toya, samsam dausakling pinge, skar putih, bras putih, mwang sêsantun dena gnêp, artha 700, maduluran canang atanding, saha rakà, lwiranya, yan wwang lanang katiban gring kacacar, iti mantranya, cai cili gosti, purus miyik, ida tkà mangrarattha, alinggih andhikani [62b] gosti, ida tka mangadêg, aas bulun butuh i gosti, mandadi puwuh lampni, puwuh ganti, puwuh masi, puwuh nasi-nasi, dadianira kabeh, dadianira puwuh syah, 3. Yan wadon wwang katibanan gring kacacar, iki mantranya, ma, kaki cili gosti, bagà miyik, ida tkà mangrarattha, alinggih andhikani gosti, ida tkà mangadêg, aas bulun têlin i gosti, mandadi puwuh sanggawuk, puwuh katumbah, dadi kita puwuh syah, 3, tlas, wus amantrà, dyusakna wwang agring ring arêping sanggar kamulan, phalanya bcik pawtun ikang puwuh ikà.

Puniki usaddhà kacacar, drewen Fakultas Udayana Denpasar, puput kasurat [63a] antuk Ida Bagus Ketut Kajeng, saking Desa Lambing, prêbêkêlan mambal, distrik abyansêmal, kalaning dina Buda Kelion wara Ugu, tanggal pisan sasih kelima rah 3 tenggek 8, isaka warsaning loka, 1883, yan anutang kadi Indonesia tanggal 11 bulan Oktober tahun 1961.

sumber: Sastra Unud – cakepane.blogspot